दलहरुलाई आन्दोलनका नाममा ज्यादती नगर्न अधिकारकर्मीहरुकोे सुझाव

5/23/2017 गते 00 00 मा प्रकाशित 1190 पटक पढिएको

बीरगंज ९ जेठ ।
पर्साको मानव अधिकारको अहिलको अवस्था संनतोषजनक रहेको सरोकारवालाहरुले बताएका छन । राष्ट्रीय मानव अधिकार आयोगको क्षेत्रीय कार्यालय जनकपुरले आयोजना गरेको मानव अधिकारको अवस्था बिषयक अन्तरक्रियामा सरोकारवालाहरुले यस्तो सन्तोष ब्यक्त गरेका हुन ।
   अपराधका घटनाहरुमा संलग्न दोषीहरुलाई कानूनी दायरामा ल्याउन स्थानीय प्रहरीले प्रभावकारी भूमिका खेलेको उनीहरुले बताए । नागरिकको आर्थिक तथा सामाजिक सास्कृति अधिकारको प्रत्याभूतीको वतावरण भने कमजोर रहेको उनीहरुको भनाई थियो । राज्यले नागरिककालागि उपलब्ध गराउने सेवा र सुविधाको बारेमा आम नागरिक सुचीत नरहेको उनीहरुले बताए । सूचनाको अभावमा रहेका नागरिककोलागि बिनियोजन गरेको रकम उनीहरुको ठाउमा नपुगेको भन्दै सरोकारवालाहरुले आर्थिक तथा सामाजिक अधिकार उपभोगको अवस्था नाजुक रहेको बताएका थिए ।
   कार्यक्रममा मधेश आन्दोलनको क्रममा मानव अधिकारको चरम उल्लंघन भएको चर्चा भएको थियो । पत्रकार बिजय चौहानले आन्दोलनकारी दलहरुले नाकाबन्दी गरे मानवता बिरुद्धको अपराध गरेको र राज्यले निर्दोष प्रर्दशनकारीलाई गोली हानेर मानव अधिकारको उल्लंघन गरेको बताए । उनले राजनीतिक दलहरुले आन्दोलनका नाममा ज्यादती गर्ने गरेको चर्चा गर्दै त्यसलाई सच्याउन आग्रह गरे । बन्दको आव्हान गर्ने तर बन्द नगर्दाचाही बल प्रयोग गरेर ज्यादती गर्ने प्रचलन बढेको उनको भनाई छ ।
   कार्यक्रममा इन्सेक प्रतिनिधि तथा नेपाल पत्रकार महासंघ पर्साका पूर्व अध्यक्ष के.सी.लामिछाने माहासंघ पर्साका सह सचिव आर के पटेल अधिवक्ता बीरेन्द्र यादव अभय दास महिला अधिकार मंचका राजकुमारी उपाध्याय थर्ड एलायन्सका सुनील कुशवाहा सामाजिक अभियान्ता प्रकाश थारु नेपाल मानव अधिकार सगठन पर्साका सचिव शिवनाथ यादव लगायतले आफनो बिचार राख्नुृ भएको थियो । कार्यक्रम आयोजका मानव अधिकार आयोगका मानव अधिकार संरक्षण अधिकृत दिप यादवको अध्यक्षतामा कार्यक्रम भएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।