काठमाडौँ, १२ चैत । पुँजीगत लाभकर नतिर्ने ‘एनसेल’ प्रयोग नगर्न अनेरास्ववियुले आग्रह गरेको छ । अनेरास्ववियुले नेकपा ९एमाले०का नेता तथा कार्यकर्ता, विद्यार्थी र सर्वसाधारणलाई सरकारलाई पुँजीगत लाभकर नतिर्ने ‘एनसेल प्रयोग नगर्न आग्रह गरेको हो ।
अनेरास्ववियुका कार्यवाहक अध्यक्ष रश्मि आचार्यको अध्यक्षतामा हिजो बसेको स्थायी कमिटी बैठकले एनसेलले सरकारलाई बुझाउनुपर्ने कर सबै नबुझाएसम्म प्रयोग नगर्न आग्रह गरिएको सचिव आरसी लामिछानेले जानकारी दिए , ।
लामिछानेका अनुसार बैठकले आइतबार अर्थमन्त्री र लेखा समितिका सभापतिलाई कर तिराउँन दबाब दिनका लागि ज्ञापनपत्र बुझाउने र सोमबार देशभरि विरोध सभा गर्ने निर्णय पनि गरेको छ ।
बैठकले समयमै विद्यालयस्तरको पाठ्यपुस्तक विद्यार्थीका हातमा पु¥याउन सरकारको ध्यानाकर्षण गराएको छ ।
तपाईको प्रतिक्रिया