सुवर्णपुर १० चैत ।
    स्थानीय तह निर्वाचनको मिति नजिकिंदै गर्दा सुवर्णपुर गाउँपालिकाको उम्मेदवारहरूबारे बहस शुरु भएको छ । सुवर्णपुर गाउँपालिकामा साबिकका ठोरी, निर्मलबस्ती, सुवर्णपुर, सेढवा तथा महादेवपट्टी गरी ५ गाविस समावेश छन् । साबिक ५ गाविसमा मुख्यगरी तीन राजनीतिक दलहरु क्रियाशिल छन । तीनै दलभित्र कसलाई उम्मेदवार बनाउदा जित्न सकिन्छ भन्ने बहस त शुरु भएको छ नै नेताहरुले आफनो गणीतको बारेमा बिश्लेषण गर्न थालेका छन । यो क्षेत्र ०४६ को परिर्वतन पछि नै जनवादी गणतन्त्रको रुपमा चिनिने क्षेत्र हो । पछिल्लो स्थानीय निर्वाचनमा पनि सुवर्णपुर निर्मलवस्ती र ठोरीमा नेकपा एमालेले बिजय हासिल गरेको थियो ।  तरअहिले कम्युनिष्ट नामका दुई दल माओवादी र एमाले प्रतिस्पर्धा आउदा जनवादी गणतन्त्रको पहिचान काय रहन सक्छ कि सक्दैन त्यो भने हेर्न बाँकी नै रहयो । 
         तर अहिले सुवर्णपुर  गाउँपालिकाको प्रमुख को होला भन्नेमा धेरैको चासो बढेको छ ।  नेपाली काङ्ग्रेस, नेकपा एमाले, नेकपा माओवादी केन्द्र भित्र नेताहरु टिकट पाउनकालागि आफनो तरिकाले लविङमा उत्रिएका छन । 
     नेपाली काङ्ग्रेसको तर्फबाट सुवर्णपुर गाउँपालिकाको उम्मेदवार बन्न आन्तरिक दौडधुप तीव्र बनेको छ ।  उम्मेदवारका आकाङ्क्षीहरू आप्mनो पक्षमा सहमति जुटाउन जिल्ला पार्टी सभापतिदेखि प्रभावशाली नेता कहाँ पुग्न थालेका छन् । स्थानीय कार्यकर्ताहरू पनि चियापसल, चोक तथा चौतारामा सम्भावित उम्मेदवारबारे बहस चलाउन थालेका छन् । 
    काङ्ग्रेसमा ठोरी–८ घर भएका काङ्ग्रेस महासमिति सदस्य बृहस्पतिकृष्ण श्रेष्ठको नाम चर्चामा छ । 
    निर्मलबस्ती–८ विजयबस्तीका  काङ्ग्रेस नेता रामबहादुर श्रेष्ठ साबिक सुवर्णपुर गाविसका पूर्व गाविस अध्यक्ष जरी लामा र विश्व घिमिरे पनि उम्मेदवारको आकाङ्क्षी रहेको बताइएको छ ।  ठोरी–८ का  किशोर तामाङ पनि यस दौडमा सामेल भएका छन । 
त्यस्तै      नेकपा एमालेमा पनि सुवर्णपुर गाउँपालिकाको प्रमुखका लागि रस्साकस्सी शुरु भइसकेको छ । नेकपा एमाले प्रदेश नम्बर–२ का सदस्य घनश्याम महतको नाम अहिले चर्चामा छ ।    एमालेमा अर्का प्रभावशाली नेता लालबहादुर श्रेष्ठको नाम पनि उत्तिकै चर्चामा छ । साबिक निर्मलबस्ती–८ घर भएका श्रेष्ठ साविक निर्मलवस्ती गाविसको दूई  पटक अध्यक्षमा निर्वाचित भएका ब्यक्ति हुन ।  साबिक निर्मलबस्ती गाविसको अध्यक्षमा दुईपटक निर्वाचित भइसकेका नेता श्रेष्ठलाई पनि एमालेको बलियो उम्मेदवारको रूपमा हेरिदै छ ।  
    एमालेभित्र अर्का आकाङ्क्षी गङ्गा बहादुर खडका छन । पार्टीको जिल्ला कार्यालय सचिवको रुपमा कार्यरत खडका पूर्व इलाका सदस्य पनि हुन ।  यस्तै अर्का आकाङ्क्षी प्रभावशाली युवा नेता ठाकुर न्यौपाने साविक निर्मलवस्तीका पूर्व उपाध्यक्ष गोविन्द प्रताप श्रेष्ठ ठोरीका पूर्व अध्यक्ष उद्धव  सापकोटा एमाले भित्रका बलिया दावेदारहरु हुन ।  । 

 नेकपा माओवादी केन्द्रमा पनि सुवर्णपुर गाउँपालिकाको प्रमुखका लागि  ठोरी–३ सरस्वतीचोक घर भएका माओवादी केन्द्रका प्रभावशाली नेता रामप्रकाश कुँवरको नाम भने चर्चामा छ । 
    माओवादी केन्द्रमा अर्का प्रभावशाली युवा नेता पिएल। श्रेष्ठको नाम पनि उत्तिकै चर्चामा छ ।  माओवादी केन्द्रमा राजाबाबू बस्नेत, खगेन्द्र श्रेष्ठ, सन्तोष घिमिरे पनि उम्मेदवारको आकाङ्क्षी रहेको पार्टी स्रोतको दाबी  छ ।
     निर्वाचन आयोगले स्थानीय निकायको निर्वाचनका लागि वैशाख १६ गते मनोनयन दर्ता गर्ने सूची सार्वजनिक गरेको छ भने र वैशाख ३१ गते मतदान हुनेछ ।