अवरोधका वीच एमालेको भेला सम्पन्न वडा कमिटी गठन

3/25/2017 गते 00 00 मा प्रकाशित 1113 पटक पढिएको

बीरगन्ज, १२ चैत ।

पोखरिया नगरपालिका वडा न. ४ भेडिहारीमा शनिवार नेकपा एमालेको भेला सम्पन भएको छ । भेलाले ताजिन्द्र कलवारको अध्यक्षतामा २१ सदस्यीय वडा कमिटी चयन गरेको छ । कमिटीको उपाध्यक्षमा फारुल खां पैठान , सचिवमा तैयब खा , कोषध्यक्षमा सोहन साह कलवार लगायतका रहेका छन । भेलामा क्षेत्र न. ४ का एमाले अध्यक्ष एव पूर्व सभासद प्रदुमन चौहान, मुक्ती समाजका संयोजक सुरेश पासवान, दिनेश कलवार लगायतको सहभागिता रहेको थियो । भेलामा क्षेत्रीय अध्यक्ष चौहानले आसन्न निर्वाचनको तयारीमा लाग्न बिशेष योजनाका साथ लाग्न कार्यकर्तालाइ अपिल गरेका थिए । एमालेको भेलालाई अवरोध नेपाल संघीय समाजवादी पार्टीका नेता नथुनी कुशवाहाको अगुवाईमा प्रदर्शन भएको थियो । मोर्चाको बिरोधलाई स्थानीय महिलाहरुले प्रतिकार गरेका थिए । मोर्चाको अवरोधका बीचपनि एमालेले वडा कमिटी चयन गरेको क्षेत्र न. ४ का एमाले अध्यक्ष प्रदुमन चौहानले बताए । एमालेको कार्यक्रममा अवरोध पु¥याउन संघीय समाजवादी फोरम नेपालका नेता कार्यकर्ता पनि कार्यक्रम स्थलमा पुगेका थिए । उनीहरुले आफनो अवरोधको कारण एमालेको कार्यक्रम भाँडिएको बताएका छन । पूर्व सभासद चौहानले भने लोकतन्त्रको सुन्दरता बिचारको बिविधता रहेको र त्यही बिचार जनताको वीचबाट अनुमोदन हुने भएकोले निषेधको राजनीतिक लोकतान्त्रिक संस्कार बिपरित भएको बताए ।

यसैबीच पोखरियामा शनिवार नेकपा एमालेको युवा भेला सम्पन भएको छ । भेलालाई सम्बोधन गर्दै युवा नेता सुजित गिरीले मधेशमा अतिवादका बिरुद्ध प्रगतीशिल युवाहरु उक हुनु पर्ने बताए । उनले अतिवाद बिकासको बाधक रहेकोले एमालेका युवाहरु अतिवादका विरोधमा लडन तयार रहनु पर्ने बताए । भेलामा मन्नु गिरी, राकेश महतो , ममताज आलम , पवन गुप्ता , दिनेश मिश्रा लगायतको विशेष सहभागिता रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।