अदालतले भन्यो, सडकको अतिक्रमण हटाउने काम रोक्नु पर्दैन

2/2/2017 गते 00 00 मा प्रकाशित 1312 पटक पढिएको

हेटौडा,२१ माघ । हेटौँडामा जारी २५ मिटर फराकिलो अभियानमा आफूहरु अन्याय परेको भन्दै उच्च अदालतमा दिइएको रिटमा अदालतले आदेश जारी गरेको छ । नीजि घरमा डोजर चलाईएको भन्दै सडक बिस्तारको कामलाई रोक्नको लागि २५ मिटर क्षेत्रका वासिन्दाले दिएको रिट निवेदन उपर उच्च अदालत पाटन, हेटौँडा इजलासले हिजो आदेश जारी गर्दै भत्काउने काम रोक्न नपर्ने भनेको छ ।

उच्च अदालत पाटन, हेटौँडाका न्यायधीसहरु बाबुराम रेग्मी र नागेन्द्रलाभ कर्णले ९ जनाले दिएको छुट्छुटै रिट निवेदनको सुनवाई पछि आदेश जारी गर्दै तत्काल घर भत्काउन रोक्न नपर्ने भनेका छन् । उच्च अदालत पाटन, हेटौँडा इजालासका प्रवक्ता बद्रीप्रसाद लामिछानेले हेटौँडाको कृष्ण प्रणामी मन्दीर परिसर, मन शाही लगाएत ९ जनाको छुटाछुटै रिट निवेदन उपर आदेश जारी गर्दै तत्काल भत्काउन रोक्न नपर्ने आदेस जारी गरेको बताए ।

सडकको अतिक्रमण हटाउन अदालतले समेत बाटो खोलेको अवस्थामा आन्दोलनको अगुवाई गर्ने हेटौडा उधोग बाणिज्य संघले के गर्छ त्यो भने हेर्न बाँकी छ । संघले अदालतले आदेश दिए अवरोध सृजना नगर्ने प्रतिवद्धता जनाएको थियो । अदालतको आदेश पछि बाटोको अतिक्रमण हटाउने अभियानलाई सडक डिभिजन कार्यालयले के गर्छ त्यो पनि चासोको बिषय बनेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।