वीरगञ्जको सुक्खाबन्दरगाहमा पनि राजस्व सङ्कलन घटदो

इसीमाना सम्वाददाता २०८१ मंसिर २ गते ०५: ५३ मा प्रकाशित 247 पटक पढिएको

वीरगञ्ज । वीरगञ्जको वडा नं २५ स्थित सिर्सियास्थित सुक्खाबन्दरगाह भन्सारले १६ अर्ब ५५ करोड २६ लाख ९९ हजार राजस्व संकलन गरेको छ ।

चालु आर्थिक वर्षको पहिलो चौमासिकमा राजस्व लक्ष्यको २७ . ५७ प्रतिशत राजस्व संकलन भएको हो । राजस्व संकलनको यही क्रम रह्यो भने सुख्खा बन्दरगाह भन्सार पनि राजस्व संकलनको लक्ष्य हासिल गर्न असफल हुने प्रक्षेपण गरिएको छ ।

सुक्खाबन्दरगाह भन्सार कार्यालयका प्रमुख भन्सार अधिकृत धनबहादुर बरुवालले विदेशी मुलुकबाट वस्तु तथा सामान आयात घट्दा राजस्व सङ्कलनमा कमी आएको बताए ।

चाडपर्वको समयमा धेरै बिदा भएकाले पनि पछिल्ला महिनामा विदेशबाट वस्तु तथा सामानको आयात घटेको भन्दै उनले राजस्व सङ्कलन पनि घटेको बताए ।

तश्रो मुलुकबाट आयात हुने सामान भंसार मूल्याकंनमा गरिने कैफियत र एउटा समानाको अर्को नाममा संकलन हुने राजस्वका कारण पनि राजस्व संकलन घटेको स्रोतले दावी गरेको छ ।

चालु आवको साउनमा ३ अर्ब ७५ करोड, भदौमा ४ अर्ब ६४ करोड, असोजमा ४ अर्ब ३६ करोड र कात्तिकमा ३ अर्ब ७९ करोड राजस्व सङ्कलन भएको भन्सार अधिकृत बरुवालले जानकारी दिए ।

कार्यालयले गत आर्थिक वर्षको यही अवधीमा १६ अर्ब ७५ करोड ३१ लाख ५५ हजार राजस्व सङ्कलन गरेको थियो । गत आर्थिक वर्षको तुलनमा यस आर्थिक वर्षको पहिलो चौमासिकमा राजस्व संकलन २० करोड ले कमी रहेको कार्यालयले जनाएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।