सिमरा । जीतपुर सीमराका ब्यवसायीहरुको प्रतिनिधिमुलक संस्था जीतपुर सीमरा उधोग वाणिज्यसंघको निर्वाचन ७ गते हुदैछ ।
“जित हाम्रो लक्ष्य, सेवा हाम्रो संकल्प” भन्ने नारा सहित गजेन्द्र कुमार गुप्ता प्यानसहित मैदानमा उत्रिएका छन ।
उनको टिममा वरिष्ठ उपाध्यक्षमा शिवजी साह सोनार, महासचिवमा प्रकाश गिरी, वाणिज्य उपाध्यक्षमा रामबाबु करबार, कोषाध्यक्षमा रिना रौनियार पुरी, वाणिज्य सचिवमा रिता कँडेल तथा सदस्य पदका अन्य उम्मेदवारहरू रहेका छन्।
अघिल्लो कार्यसमितिमा उपाध्यक्षको रुपमा क्रियाशिल गुप्ता ब्यवसायी मैत्री उम्मेदवारका रुपमा चर्चित छन । उनले संघलाई गफ गर्ने थलो भन्दा पनि ब्यसायीहरुको पेशगत समस्या हल गर्ने केन्द्रको रुपमा बिकास गर्ने संकल्प लिएका छन ।
उनले संघलाई समयानुकल संचालन गर्ने स्पष्ट दृष्टिकोण, दक्षता, प्रविधिको उपयोग गर्ने अनुभव र कुशलता आफनो टिममा रहेको बताएका छन ।
उनले संघलाई सुशासनयुक्त पाररदर्शी, जवाफदेही, सक्रिय र सबै वर्ग, समुदाय तथा भूगोलका व्यवसायीहरू अटाउने एउटा साझा मञ्च बनाउने घोषणा गरेका छन ।
उनले जीतपुर सीमरा जस्तो उदाउदो शहरको ब्यवस्थित बिकासमा सामुदायिक संस्थाको रुपमा आफनो भूमिका निर्वाह गर्ने जनाएका छन ।
पार्किङ, सरसफाइ, सुरक्षा र व्यवस्थित सार्वजनिक शौचालय जस्ता पूर्वाधार बनाउन आवश्यक पहल गर्ने उनको योजना छ ।
तालिम र प्रशिक्षण दिई दक्ष जनशक्ति उत्पादन गर्ने तथा स्थानीय कृषि उत्पादन भण्डारणका लागि चिस्यान केन्द्र (कोल्ड स्टोर) स्थापना गर्न र व्यापार मेलाहरू आयोजना गरेर स्थानीय उत्पादनको प्रवद्र्धन गरेर आर्थिक उपार्जनगर्ने वतावरण उनाउने उनले दृढता ब्यक्त गरेका छन ।
उद्योग अनुकूल वातावरण निर्माण गर्न, स्वदेशी तथा विदेशी लगानी भित्राउन र स्थानीय उत्पादनलाई राष्ट्रिय तथा अन्तर्राष्ट्रिय बजारसँग जोड्नका लागि नीति निर्माण तहमा बलियो पैरवी गर्ने उनले आफनो योजना सार्वजनीक गरेका छन ।
ब्यवसायीहरुमाझ लोकप्रिय गुप्ताले आफनो टिमलाई पनि सन्तुलीत बनाएका छन । उनले सबैबाट सकारात्मक प्रतिक्रिया पाएको भन्दै आफू र आफ्नो उत्साहित रहेको बताएका छन ।
तपाईको प्रतिक्रिया