यसो हेर्दा लाग्न सक्छ, ‘हैन, एमालेहरु खराबै भए की क्या हो ?’
इसीमाना सम्वाददाता
२०८१ फागुन २३ गते ०६: ४३ मा प्रकाशित
483 पटक पढिएको
राजेश राई
यता उर्जामन्त्री दिपक खड्का कुलमान घिसिङसँग कुस्ती खेल्छ । कुलमान मान्छेहरु भावुक हुन्छन् । र भत्सर्ना गर्छ, 'प्रधानमन्त्री र एमालेको ।
' उता ताप्लेजुङमा चन्द्र ढकाल केवलकार निर्माणमा लाग्छन् । केवलकार बिरोधी उत्तेजित हुन्छन् । र, भन्छन्, ‘एमाले मुर्दावाद, एमालेका नेताहरु मुर्दावाद ।’
बालेन ब्रो आफ्नै कर्मचारीसँग धुन्धुकारी शैलीमा सिगौंरी खेल्छ । काम गर्न सक्दैनन् । बालेनका मान्छेहरु आक्रोशित हुन्छन् । भन्छन्, ‘एमालेका नेता मुर्दावाद ।’ रवि लामिछानेहरु सहकारीका अरबौं रकम हिनामिना गर्छन् । संसदीय समितिले कारबाही गर भन्छ । कारबाही हुन्छ । उद्येलित हुन्छन् । भन्छन्, ‘एमालेहरु मुर्दावाद ।’
दुर्गा प्रसाईहरु बैंकको अरबौं ऋण तिर्दैनन् । बैंकले चिठी काटेपछि आक्रोशित भएर भन्छन्, ‘एमालेका नेताहरु मुर्दावाद ।’
सबै-सबैको मुर्दावाद, ‘एमाले, एमालेका अध्यक्ष र एमाले नेताहरु किन भइरहेका छन् ?’
यसो हेर्दा लाग्न सक्छ, ‘हैन, एमालेहरु खराबै भए की क्या हो ?’
यसलाई कसरी बुझ्ने ?
समाजशास्त्री/ अर्थशास्त्रीहरुका अनुसार विश्वका आर्थिक केन्द्रहरू तीव्र रूपले पूर्वतर्फ सरिरहेका छन् । विश्व पूँजीवादी प्रणाली स्थानान्तरण हुँदैछ । यूरोप, अमेरिकाबाट एशियातर्फ सर्दैछ ।
एसिया यसको मुख्य क्षेत्र बन्दैछ । माथितिरको चीन यसको केन्द्रभागमा ।
तलतिरको भारत पनि विस्तारै उठिरहेको छ । त्यसको ठ्याक्कै बीचमा नेपाल छ ।
विश्वको इतिहासमा अहिलेको समय तेस्रो चरणको एशियाली युग हो ।
अब यहाँनिर हेर्नुहोस्, काठमाडौंमा उभिएर अमेरिकनहरु बेइजिङतर्फ चियाउन चहान्छन् ।
पश्चिमाहरु काठमाडौंमा आरमसँग उभिएर चीन र भारततर्फ हेर्न चाहन्छन् । भारतीयहरु चाहन्छन्, ‘हाम्रो आदेश मानिरहोस् ।’
यी सबै कारणले पनि माथि उल्लेखित शक्तिहरु स्थायित्व र समृद्धि चाहन्नन् । उनीहरुलाई थाहा छ, 'एमाले बलियो राष्ट्रिय शक्ति भयो भने नेपाल समृद्धिको दिशामा अघि जान्छ ।
एमालेका र एमालेका नेतृत्वकर्ता केपी शर्मा ओली शक्तिशाली बनिरहे भने नेपालको स्वतन्त्रता, सार्वभौमिकता, भौगोलिक अखण्डता, राष्ट्रिय एकता बलियो हुन्छ । स्वाधिनता र स्वाभिमान अक्षुण्ण रहन्छ ।'
त्यही कारण अनेकन एजेन्सीहरु प्रयोगमार्फत् एमाले र एमालेअध्यक्षको गलत बिम्ब बनाएर कमजोर बनाउन चाहन्छन् ।
नोम चोम्स्की अमेरिकी भाषाविद्, दार्शनिक, इतिहासकार, सामाजिक चिन्तक ।
अमेरिकी साम्राज्यवादको आलोचक उनको अर्को परिचय हो ।
चोम्स्की विश्वका १० चर्चित जीवित विद्वान मध्ये एक मानिन्छन् ।
१० मध्ये जिउँदा विद्वानचाहिँ चोम्स्की मात्र हुन् प्लेटो, अरिस्टोटलबाट सुरु हुने १० को सूचीमा चोम्स्कीमात्रै जीवित छन् ।
मिडियाको सन्दर्भमा पनि चोम्स्की सबैभन्दा पढिने चिन्तक हुन् ।
नोम चोम्स्की र इडवार्ड एस हरम्यानले सन् १९८८ मा प्रकाशित गरेको ‘म्यानुफ्याक्चरिङ कन्सेन्ट : द पोलिटिकल इकोनोमी अफ द मास मिडिया’मा मिडियाले उत्पादन गर्ने विषयवस्तु पनि बजारका अन्य उत्पादनजस्तै नाफाका आधारमा हुने गर्छन् भन्ने निचोड प्रस्तुत गरेको छ ।
उनै चोम्स्कीले इराकमाथि अमेरिकाले आक्रमण गर्नुअघि कर्पोरेट हाउस/एजेन्सीहरुले कसरी माइन्ड फ्रेमिङ गर्छ ? यसमाथि गजब बिश्लेषण गरेका थिए ।
अमेरिकाले इराकी मान्छेहरुको नरसंहार गर्नेछ । दुनियाँले उनीहरूलाई मान्छे होइन, आतंककारी देख्नेछन् किनभने दुनियाँका कर्पोरेट मिडियाहरूले उनीहरूलाई आतंककारीका रूपमा माइन्ड फ्रेमिङ्ग गरिदिएका हुन्छन् । तर एउटा अमेरिकन (गोरा) माथि कसैले आक्रमण गर्यो भने त्यहाँ मानवताको प्रश्न उठ्छ । दुनियाँलाई रुवाइदिन्छन् ।’
उता ‘चिसो भनेकै कोकाकोला’ भने जस्तो आतंककारी भनेकै अमेरिका बिरोधी, मानवअधिकार भनेकै अमेरिकनहरुको जसरी एजेन्सीहरुले ‘माइन्ड फ्रेमिङ्ग' गरीदिने गरेका छन् ।
यता ‘चिसो भनेकै कोकाकोला’ भने जस्तो खराब भनेकै ‘एमाले र एमालेका नेताहरु’ भन्ने भाष्य बनाएर ‘माइन्ड फ्रेमिङ्ग’ गर्ने अभियान चलिरहेको छ ।
हो, यसैगरी ‘माइन्ड फ्रेमिङ्ग ’भइरहेको छ । आज अनेकन एजेन्सीहरुले एमालेको अभियान र नेताहरुका खराब भाष्य बनाइदिने गरेका छन् ।
गलत बिम्ब बनाउने अभियान जारी छ । त्यसलाई यसरी बुझन सक्यौं भने मात्रै आक्रमणको रहस्यलाई बुझ्न सकिन्छ ।
सम्बन्धित शीर्षकहरु
सीमापारी/अन्तराष्ट्रिय
गैरआवासीय नेपाली संघ, राष्ट्रिय समन्वय परिषद बेल्जियमको अध्यक्ष नेपाल सर्वसम्मत
बेल्जियम । गैरआवासीय नेपाली संघ, राष्ट्रिय समन्वय परिषद बेल्जियमको १० औं राष्ट्रीय महाधिबेशनले लोकेन्द्र नेपाललाई अध्यक्षमा सर्वसम्मत चयन गरेको छ ।
भिजिट भिसा प्रकरण ,पत्रकार महासंघ युकेको स्पाष्टोक्ति, गरिमा ख्याल राख्न अपिल
वीरगंज। नेपाल पत्रकार महासंघ यूकेले अधिवेशनको सन्दर्भमा ‘दर्जनभन्दा बढी व्यक्तिले भिजिट भिसा लिएको आशंका’ भन्दै आएका समाचारप्रति गम्भीर आपत्ति जनाएको छ।
क्यानडामा रामकृष्ण ढकाल साँझ भब्य रूपमा सम्पन्न, बचत रकमबाट पशुपतिनाथ मन्दिरमा पुजा कार्यक्रम
टोरण्टो । असार १५ गते ईन्टरनेशनल म्युजिक डे को अबसर पारेर क्यानडाको ब्राम्प्टन शहरमा आयोजना गरिएको “रामकृष्ण ढकाल साँझ“ भब्य रूपमा सम्पन्न भएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सुनसरी दुर्घटना , मृतकको सङ्ख्या पाँच पुग्यो
इनरुवा । सुनसरी भोक्राहा–नरसिंह गाउँपालिका–३ जलुवा टोलस्थित पूर्व–पश्चिम राजमार्गमा आज भएको सवारी दुर्घटनामा मृत्यु हुनेको सङ्ख्या पाँच पुगेको छ ।
भूमिहीनलाई जग्गा वितरणको तयारी, ७ दिनभित्र हकदावी पेश गर्न आयोगले निकाल्यो सूचना
वीरगंज । नेपाल सरकारको भूमि समस्या समाधान आयोग, जिल्ला समिति पर्साले सखुवा प्रसौनी गाउँपालिकाको बिभिन्न वडामा बसोबास गर्दै आएका भूमिहीन दलित, भूमिहीन सुकुम्बासी र अब्यवस्थित बसोवासीलाई जग्गा उपलब्ध गराउने प्रक्रियाबारे ७ दिने सार्वजनिक सूचना जारी गरेको छ।
खेलकुद
क्रिकेटर सन्दीप लामिछानेको सम्मानमा उनको जन्मगाउँमा क्रिकेट रङ्गशाला बनाउन शुरू
स्याङ्गजा । नेपाली राष्ट्रिय क्रिकेट टिमका पूर्व कप्तान क्रिकेटर सन्दीप लामिछानेको सम्मानमा स्याङ्जामा क्रिकेट रङ्गशाला बनाउन शुरू गरिएको छ ।
राष्ट्रपति रनिङ शिल्डमा वीरगंजको लगातार तेस्रो जीत
वीरगंज । वीरगंज महानगरपालिकाले लगातार तेस्रो वर्ष राष्ट्रपति रनिङ शिल्ड प्रतियोगितामा प्रथम स्थान हासिल गर्दै शिल्ड आफ्नो स्थायी स्वामित्वमा ल्याएको छ ।
तपाईको प्रतिक्रिया