तराईमा शीतलहरको कहर
पुष्टि गरेर मात्रै समाचार लेख्न पर्साका प्रमुख जिल्ला अधिकारी बस्नेतको आग्रह
वीरगन्ज, १३ पुस । पुष १ गते मंगलबारदेखि शुरु भएको शीतलहर अहिले तराईका जनताको लागि कहर बनेको छ । लगातारको शीतलहरले अहिले तराईको जनजीवन प्रभावित बनेको छ । विपन्न गरिब, तथा मजदुर, विद्यार्थी, बालबालिका र वृद्धवृद्धालाई शीतलरसँगै बढेको चिसोले बढी प्रभावित बनाएको छ ।
यसबीचमा दुईदिन घाम लागेपनि फेरी शीतलहर निरन्तर चलिरहेको छ । शीतलहरका कारण अत्यधिक चिसोले जनजीवन प्रभावित भएको हो । शीतलहरको बीचमा केही व्यक्तिहरुको मृत्यु भएको समाचारहरु आएपनि त्यसको पुष्टि भने हुन सकेको छैन । पर्साका प्रमुख जिल्ला अधिकारी जीतेन्द्र बस्नेतले शीतलहरले जनजीवन प्रभावित भएको बताउदै त्यस्तो कुनै दुखद घटनाहरु अहिले सम्म जानकारीमा नआएको बताए ।
उनले केही सञ्चार माध्यमहरुमा शीतलहरले मृत्यु भएको भन्ने खबरहरु आएकोप्रति ध्यानाकर्षण भएको जनाउदै त्यस्ता घटनाहरुको जानकारी जिल्ला विपद व्यावस्थापन समितिमा नआए सम्म र सम्बन्धित निकायले पुष्टि नगरेसम्म हचुवाको भरमा समाचार सम्प्रेषण नर्गन समेत आग्रह गरेका छन् ।
उनले भने, “शीतलहरले प्रभाव त पारेकै छ । त्यस्तो नराम्रो खबरहरु केही आएको छैन । स्थानीय तह र सुरक्षा निकायले चोक चोकमा आगो बाल्ने काम गरिरहेको छ । स्थानीय तह र संघ संस्थाहरुले न्यानो कपडाहरु वितरण भईरहेको छ । विद्यालयहरु बन्द छ । शीतलहरले मृत्यु भएको खबर लेख्ने मिडियाहरुले नसोधी आफ्नै हिसाबले समाचार लेख्ने हो भने आफै पुष्टि गर्नुपर्छ । मलाई प्रमाण चाहिन्छ । प्रमाण विना भ्रामक समाचारहरु लेख्न भएन । प्रमाण छ भने, कहाँबाट पुष्टि भएको हो त्यो पुष्टि सहित लेख्नुप¥यो ।”
स्थानीय विपद व्यावस्थापन समितिसँग छ । जिल्ला विपद व्यावस्थापन समिति छ । सुरक्षा संयन्त्र पनि छ । स्थानीय सरकार छ । स्थानीय विपद व्यावस्थापन समितिहरु सचेत भएर लागेकै छौं । विपद व्यावस्थापन समितिको जुन संयन्त्रहरु छ त्यहाँबाट आधिकारिक रुपमा आएको छैन । आधिकारिक रुपमा पुष्टि नभई आफैले पुष्टि गरेर लेखेको समाचारहरुमा भने प्रमाण सहित उल्लेख गर्न प्रमुख जिल्ला अधिकारी बस्नेतले आग्रह गरेका छन् ।
सम्बन्धित शीर्षकहरु
सीमापारी/अन्तराष्ट्रिय
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
गैरआवासीय नेपाली संघ, राष्ट्रिय समन्वय परिषद बेल्जियमको अध्यक्ष नेपाल सर्वसम्मत
बेल्जियम । गैरआवासीय नेपाली संघ, राष्ट्रिय समन्वय परिषद बेल्जियमको १० औं राष्ट्रीय महाधिबेशनले लोकेन्द्र नेपाललाई अध्यक्षमा सर्वसम्मत चयन गरेको छ ।
भिजिट भिसा प्रकरण ,पत्रकार महासंघ युकेको स्पाष्टोक्ति, गरिमा ख्याल राख्न अपिल
वीरगंज। नेपाल पत्रकार महासंघ यूकेले अधिवेशनको सन्दर्भमा ‘दर्जनभन्दा बढी व्यक्तिले भिजिट भिसा लिएको आशंका’ भन्दै आएका समाचारप्रति गम्भीर आपत्ति जनाएको छ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
नागरिकको शान्ति सुरक्षा र सरकारी सेवा प्रवाहको सुगम बनाउनु मेरो दायित्व होः प्रजिअ सुवेदी
वीरगंज । पर्साका प्रमुख जिल्ला अधिकारी तोयनारायण सुवेदीले नागरिकको शान्ति सुरक्षा कायम राख्दै सरकारी कार्यालयमार्फत प्रवाह हुने सेवा–सुविधालाई व्यवस्थित बनाउने आफ्नो प्रमुख दायित्व हुने बताएका छन्।
दश परिक्षण मध्य आठमा हैजाको संक्रमण पुष्टि, वीरगंजका बिद्यालयको बिदा बढाइयो
वीरगञ्ज । वीरगञ्जमा हैजाको आशङ्कामा १० बिरामीको नमूना परीक्षण गर्दा आठमा सङ्क्रमण पुष्टि भएको जनाएको छ ।
खेलकुद
क्रिकेटर सन्दीप लामिछानेको सम्मानमा उनको जन्मगाउँमा क्रिकेट रङ्गशाला बनाउन शुरू
स्याङ्गजा । नेपाली राष्ट्रिय क्रिकेट टिमका पूर्व कप्तान क्रिकेटर सन्दीप लामिछानेको सम्मानमा स्याङ्जामा क्रिकेट रङ्गशाला बनाउन शुरू गरिएको छ ।
राष्ट्रपति रनिङ शिल्डमा वीरगंजको लगातार तेस्रो जीत
वीरगंज । वीरगंज महानगरपालिकाले लगातार तेस्रो वर्ष राष्ट्रपति रनिङ शिल्ड प्रतियोगितामा प्रथम स्थान हासिल गर्दै शिल्ड आफ्नो स्थायी स्वामित्वमा ल्याएको छ ।
तपाईको प्रतिक्रिया