र्सिसिया नदीको सफाई अभियानमा प्रतिवद्ध छुःनगरप्रमुख सरावगी

9/15/2019 गते 00 00 मा प्रकाशित 1026 पटक पढिएको

वीरगंज, २९ भदौ ।
वातावरण जिउने आधार नामक संस्थाले आइतबार आफ्नो वेभसाईटको सुरुवात गरेको छ । जिवन ज्योती माध्यमिक विद्यालयको सभाकक्षमा आयोजित एक कार्यक्रममा वीरगंज महानगरपालिकाका प्रमुख बिजय कुमार सरावगीले वेभसाइटको उद्घाटन गरे ।

सो अवसरमा बोल्दै नगरप्रमुख सरावगीले मानव सभ्यताको विकास नै नदी छेउबाट भएको भन्दै सिर्सिया नदीको सफाई अभियानमा आफ्नो सक्रिय भूमिका रहने प्रतिवद्धता जनाए ।

उद्योगहरुले फोहर पानी प्रशोधन नगरी सोझै नदीमा खसालेकोले समस्या बढेको उनको भनाई थियो । सिर्सिया सफाई अभियानको चौध सय करोडको योजना बनाएको तर संघीय सरकराले चासो नदेखाएको उनको भनाई छ ।

उनले सिर्सिया नदीसंगै सिंगहा नदीमा पनि प्रदुषण बढेर गएको चर्चा गर्दै नेशनल मेडिकल कलेजले आफ्नो फोहर त्यही फाल्ने गरेकोले त्यहाँ अम्लीय तत्व माटोमा बढेर गएको बताए ।

वातावरण जिउने आधार का केन्द्रिय अधयक्ष आकाश चौहानको अध्यक्षतामा सम्पन्न सो कार्यक्रममा नेपाल पत्रकार महासंघ प्रदेश नं. २ का अध्यक्ष दीपेन्द्र चौहान, उपाध्यक्ष के.सी .लामिछाने, पर्साका सभापति श्याम बञ्जारा लगायतकाहरुको उपस्थिती रहेको थियो ।

सो कार्यक्रममा आकाश चौहानले सिर्सिया नदीको सफाई र आफ्नो वेभसाइटले कहाँ कसरी कुन जातको बिरुवा लगाउंदा फाइदा पुग्ने र फोहर व्यवस्थापन दिइने सेवाका सन्दर्भमा सम्पूर्ण जानकारी गराएका थिए । सो कार्यक्रमको संचालन केन्द्रिय कोषाध्यक्ष्ँ रोशन पटेलले गरेका थिए । कार्यक्रमको व्यवस्थापन जिवन ज्योती बोर्डिङ्ग स्कुलका प्रधानाध्यापक शिव गुप्ता गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।