महानगर प्रमुखलाई टोल बिकासको ज्ञापन, सबै माँग पुरा गर्ने प्रमुखको प्रतिवद्धता

8/26/2019 गते 00 00 मा प्रकाशित 1047 पटक पढिएको

बीरगंज १० भदौ । बीरगंज महानगरपालिकाका प्रमुख बिजय सरावगीले लिंक रोडमा एप्रोच रोडहरु नाला सहित निर्माण गर्ने तयारी भइरहेको बताएका छन ।

बीरगंज महानगरपालिका वडा नं १४ को लिंक रोडमा रहेको टोल बिकास संस्थाले आज बिहान बुझाएको ज्ञापन पत्रको सन्दर्भमा चर्चा गर्दै उनले यस्तो जानकारी दिएका हुन ।

उनले लिंक रोडको निर्माणको बिषयमा पत्राचार भइसकेको जानकारी दिदै सडकको फूटपाथ अतिक्रमणलाई कुनै हालतमा सहन नगरिने बताए ।

उनले बिकास निर्माणका काममा आउने बाधा अवरोधलाई टोलमै मिलाउन आग्रह गर्दै बिकासको काममा टोल बिकास संस्थालाई सहयोग गर्न आग्रह गरे ।

ज्ञापन पत्र बुझदै प्रमुख सरावगीले लिकंरोडमा रहेको बिजुलीको हाइटेनश्न लाईनको उचित ब्यवस्थापन निकट भविष्यमा हुने बताए । प्रमुख सरावगीले लिंक रोड नयाँबस्ती पिप्रालाई सुरक्षाको निम्ति सीसी टिभी क्यामेराको संजालसंग जोडने प्रतिवद्धता जनाए ।

हाइटेशन लाइन सडकबाट कम उचाईमा रहेकोले दुर्घटनाको जोखिम बढेकोले त्यसलाई ब्यवस्थापन गर्नु पर्ने टोलबासीको माँग रहेको थियो ।

टोललाई हरियाली बनाउने उद्धेश्यले हरेक घरमा पाँच वटा पारिजातका बिरुवा रोप्ने अभियान अन्र्तगत बिरुवा उपलब्ध गराउन समेत संस्थाले माँग गरेको संस्थाका सचिव ऋषि सत्यालले जानकारी दिए ।

महानगर प्रमुख सरवागीले बिकासमा सहयोग गर्न आग्रह गरेपछि टोल बिकास संस्थाको तर्फ बाट अध्यक्ष हरि गौतमले टोलको सम्पूर्ण एकताको साथ सहयोग गर्ने बचन दिए ।

उनले फूटपाथ अतिक्रमण हटाउन बिकासका भएका पूर्वाधारहरुको संरक्षण गर्न र बिकास निर्माणका काममा आउने अवरोधलाई हटाउनका साथै बिकासमा साझेदारी गर्न टोल बिकासको तर्फबाट प्रतिवद्धता जनाए ।

टोल बिकास संस्थाको स्थापना पछि टोलको बिकासमा नयाँ गती पैदा भएको नायँबस्तीका राजु श्रेष्ठले बताए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।