युवा समाजको छौठौ वार्षिकोत्सव सम्पन्न ,चौतर्फी प्रशंसा

8/23/2019 गते 00 00 मा प्रकाशित 1331 पटक पढिएको

बीरगंज ६ भदौ ।
बीरगंज युवा समाजले आज एक भब्य समारोहकावीच आफनो छैठौ वार्षिकोत्सव मनाएको छ । समाजका अध्यक्ष कमल चौगाईको अध्यक्षतामा भएको कार्यक्रममा आजका युवाका समस्या, सम्भावना र चुनौतीका बिषयमा वक्ताहरुले आफनो धारणा राखेका थिए ।

आज वीरगञ्जस्थित होटेल मकालुको सभाहलमा वार्षिकोत्सव समारोह मनाइएको हो ।

पर्साका प्रमुख जिल्ला अधिकारी नारायण प्रसाद भट्टराईले युवा समाजले समाजमा पीडामा परेका ब्यक्तिहरुको आवश्यकतालाई पुरा गर्न महत्वपपूर्ण भूमिका निर्वाह गरेको चर्चा गरे । उनले बीरगंज युवा समाजको नाम गर्वले लिने अवस्था बन्ने बिश्वास ब्यक्त गरे ।

नेपाल पत्रकार महासंघ प्रदेश २ का कार्यवाहक अध्यक्ष के.सी.लामिछानेले युवाको समस्याको चाङ देखउने मात्र होइन समाधानमा ध्यान दिन आग्ह गरे । उनले सिद्धान्त र ब्यवहारको बेमेल र सम्वदेनाहिन अवस्थाका कारण समाजमा समस्याहरु पैदा भएको बताए

। उनले असिमित सम्भावनाहरु भएपनि पहक काहाबाट गर्ने भन्ने अन्यौलता रहेको बताए । उनले अन्यौलताको अन्त्यकालागि प्रश्न गर्ने संस्कृतिको बिकास गर्नु पर्ने सुझाव दिए ।

कार्यक्रममा वीरगञ्ज उधोग वाणिज्य संघका वरिष्ठ उपाध्यक्ष सुबोध गुप्ता, नेपाल पत्रकार महासंघ पर्साका अध्यक्ष श्याम बञ्जारा, युवा अभियन्ता ओमप्रकाश सर्राफ, सामाजिक अभियन्ता मधु राणा, चिकित्सक डा. श्याम सुन्दर दास लगायतकाले मन्तव्य व्यक्त गरेका थिए ।

कार्यक्रममा श्री चण्डी प्रसाद गणका गणपति सृजन बहादुर मल्ल डा. निरज सिंह डा. मनोज गुप्ता फोनिज प्रदेश नं २ का ईन्चार्ज निरज पिठाकोठे मगर, लगायतको सहभागिता रहेको थियो
समाजका सचिव हेमन्त तामाङ्गले स्वागत मन्तव्य गरेका थिए भने मुनलाईट विद्यालयकी छात्रा सुजिका पुलामीले स्वागत नृत्य प्रस्तुत गरेकी थिइन् ।

कार्यक्रममा बोल्ने वक्ताहरुmले युवा समाजले खेल्दै आएको भुमिकाको प्रशंसा गरेका थिए । समाजले विगतमा गरेका कामहरु उल्लेखनिय रहेकोे तथा आउने दिनमा समाज थप क्रियाशलि भई लाग्नुपर्ने वक्ताहरुको भनाई रहेको थियो ।

कार्यक्रमको सहजीकरण समाजका सहसचिव विवेक कर्णले गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।