श्रीराम कथाको तयारी पुरा, रुँगटा वेलफेयर धार्मिक कार्यमा

3/22/2017 गते 00 00 मा प्रकाशित 1252 पटक पढिएको

बीरगंज ९ चैत ÷ यहाँको प्रतिष्ठित औद्योगिक घरना मुरलीधर रुँगटा समुहले चैत महिनाको १६ गतेदेखि २३ गतेसम्म साताब्यापी श्रीराम कथा वाचन मार्फत धार्मिक कार्यको थालनी गर्न लागेको जनाएको छ । धार्मिक कार्यको सबै तयारी पुरा भएको आयोजकले जनाएका छन । मुरलीधर रुँगटाका स्वर्गीय माता तथा पिता श्रीमती भगवानी देबी रुँगटा र रामेश्वरलाल रुँगटाको स्मृतिमा आयोजना गर्न लागिएको कथा वाचनमा यस भेगका असंख्य श्रद्धालु तथा भक्तजनहरुको सहभागिता गराउने गरि रुँगटा परिवार लागि परेको छ । भारतका प्रख्यात रामभक्त तथा संत बिजय कौशलजीको मुखारबिन्दबाट श्रवण गराइने रामकथा आदर्शनगर रंगशालामा हुने भएको छ । उक्त राम कथाको अमृत बर्षाबाट सबैलाई मन्त्रमुग्ध पार्ने र धार्मिक कार्म मार्फत समाजीक रुपमा बेला बखत सृजना हुने बिकृति र बिसंगतिको अन्त्य हुने अपेक्षा राम कथा मार्फत आयोजकहरुले राखेका छन ।
रामकथाको अमृतबर्षाको श्रवण पछि आफ्नो मनमा आउने सबै प्रकारको दुषित सोच र भावनामा समेत कमी आउने र आफूलाई सत्कर्म र सत्मार्गमा लाग्न प्रेरित गर्ने हुनाले यस्ता काममा सदैब लागिरहने कुरा आयोजक मुरलीधर रुँगटाले बताए । रुँगटा वेलफेयर सोसाइटी नामक पारिवारिक संस्था मार्फत धार्मिक र समाजीक तथा शिक्षा, स्वास्थ्या र समाजीक बिकासको बिबिध क्षेत्रमा सेवा गर्ने योजना बनाएको संस्थाले देशका बिभिन्न स्थानमा मठ मन्दिर निर्माण र सहयोग, अतिथि सदन निर्मण, हनुमान मन्दिरको निर्माण, एम्बुलेन्स प्रदान, जनजाती छात्राबास, सामुदायीक प्रहरी, यज्ञशाला भवन निर्माण, बिभिन्न बिद्यालयमा अध्ययन गरिरहेको बिद्यार्थिहरुलाई छात्राबृत्ति प्रदान, नेत्रज्योति गुमाएकाहरुलाई सेतो छडी प्रदान, कानको उपचारमा सहयोग,जस्ता धार्मिक तथा सयौं समाजिक काममा आफूलाई उ्भ्याएको संस्थाका सुरेश रुगंटाले जानकारी दिए । उक्त संस्थाले आयोजना गरेको धार्मिक प्रवचनमा नगरका बिभिन्न ब्यक्तिहरुको सहभागिता रहने हुनाले भब्य र ब्यबस्थित बनाउन लाखौं खर्च लाग्न संस्थाका उपाध्याक्ष कुन्तादेबी रुँगटाले बताइन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।