सोलकपुरमा बामगबन्धनका उम्मेदवार यादव र अन्सारीको स्वागत

11/25/2017 गते 00 00 मा प्रकाशित 1255 पटक पढिएको

वीरगन्ज, ९ मंसिर । पर्साको वीरगन्ज महानगरपालिका वडा नम्बर ३२ टेढामा बामगठबन्धनको चुनावी सभा सम्पन्न भएको छ । बामगठबन्धनका वडा संयोजक जुमाद्दिन अन्सारीको अध्यक्षतामा भएको कार्यक्रममा प्रतिनिधिसभा निर्वाचन क्षेत्र नम्बर १ का बामगठबन्धनका उम्मेदवार विचारी यादव, प्रदेशसभा निर्वाचन १ को ‘क’ का उम्मेदवार रहबर अन्सारी, नेकपा माओवादी केन्द्रका पोलिटव्यूरो सदस्य एवं समानुपातिक उम्मेदवार हरि मण्डल, समानुपातिक उम्मेदवार पस्मिना पादरी वडा नम्बर ३२ का निर्वाचित वडा अध्यक्ष रियाज अन्सारी लगायतको उपस्थिति रहेको थियो ।

यसैगरी वडा नम्बर ३१ सोलकपुरमा पनि बामगठबन्धनको चुनावीसभा भएको छ । नेकपा माओवादी केन्द्र वीरगन्ज महानगरपालिका वडा नम्बर ३१ का संयोजक नन्दकिशोर पञ्जियारको अध्यक्षतामा भएको कार्यक्रममा प्रतिनिधिसभा निर्वाचन क्षेत्र नम्बर १ का उम्मेदवार यादव, प्रदेशसभा निर्वाचन क्षेत्र नम्बर १ को ‘क’ का उम्मेदवार अन्सारी लगायतलाई स्थानीयले बाजागाजा सहित स्वागत गरेका थिए ।

त्यस्तै वेल्वामा पनि बामगठबन्धनको घरदैलो तथा चुनावी सभा सम्पन्न भएको छ । वडा नम्बर २० मा पनि बामगठबन्धनले घरदैलो तथा चुनावी सभा सम्पन्न गरेको अखिल क्रान्तिकारीका केन्द्रीय सदस्य जुवैर आलमले जानकारी दिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।