आगामी सरकार वामगठबन्धको बन्ने पक्का -उम्मेदवार गुप्ता

11/17/2017 गते 00 00 मा प्रकाशित 1195 पटक पढिएको

बीरगंज १ मंसिर । नेकपा एमालेको तर्फबाट पर्सा क्षेत्र नं १ को“ख” प्रदेश सभाका उम्मेदवार शम्भु गुप्ताले जनतालाई बिवेकपूर्ण रुपमा आफनो मतदान सदुपयोग गर्न आग्रह गरेका छन । वाम गठबन्धनले बीरगंज महानगरको वडा नं २ मा आयोजना गरेको चुनावी सभालाई सम्बोधन गर्दै उनले प्रदेश नामाकरण गर्न प्रदेशको राजधानी काहा हुने भन्ने कुरा तय गर्ने भएकोले यो निर्वाचनको महत्व अत्यन्तै रहेको बताए ।
उनले बिकास समृद्धि प्राप्तीकोलागि एक्सप्रेस गाडीको उदाहरण दिदै राष्ट्रीय पार्टीको आवश्कतामा जोड दिए । नेता गुप्ताले अव मुलुकमा बाम प्रगतीशिल गठबन्धनको सरकार बन्ने कुरा सुनिश्चित भएकोले अव कुनै अन्यौलता नराख्न मतदातालाई आग्रह गर्दै वामपन्थको पक्षमा मतदान गर्न अपिल गरे ।
बीरगंजमा नारयाणी उपक्षेत्री अस्पतालाई शिक्षण कलेजको रुपमा बिकास र बीरगंज बिश्वबिद्यालयलाई कार्यान्वयनमा ल्याउन पनि वाम गठबन्धनको जीत आवश्यक रहेको उनले बताए ।
बीरगंज महानगरको आर्थिक माहाशाखाको प्रमुखबाट राजनीतिक मैदानमा उत्रिएका गुप्ताको प्रशासनीक अनुभव तथा बिधिशास्त्रमा उनले प्राप्त गरेको स्नातक र समाजशास्त्रमा प्राप्त गरेको स्नातोकोत्तरको उपाधीले समग्र पर्साको बिकास र पहिचानकालागि उपलब्धी मुलक हुने ठानिएको छ ।
आफनो अनुभवलाई राजनीतिक इमान्दारिकताकोलागि उपयोग गर्ने उनले प्रतिवद्धता जनाए । उनले बिकासका नाममा परियोजना ढिलो गरि निर्माण गर्ने निर्माण कम्पनीका कारण बीरगंजका नागरिकले सास्ती पाउने कुरालाई अव स्वीकार गर्न नसकिने बताए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।