पर्सा ४ मा उर्मिला बिरुद्ध माओवादी केन्द्र भित्रै बगावत

11/1/2017 गते 00 00 मा प्रकाशित 1498 पटक पढिएको

कार्तिक १५ बीरगंज
बाम गठबन्धनको तर्फबाट पर्साको निर्वाचन क्षेत्र नं २ र ४ नेकपा माओवादी केन्द्रको भागमा परेको छ । पार्टीले २ मा मोसालीम मिया र ४ मा उर्मिला अर्याललाई उम्मेदवार बनाउने भएको छ । पर्सा क्षेत्र नं ४ बामगठबन्धनकोलागि सुविधाजनक क्षेत्र हो तर नेकपा माओवादी केन्द्रमा रहेको आन्तरिक द्वण्द्वका कारण सबैभन्दा असुरक्षीत क्षेत्र त्यही बन्न पुगेको छ । स्थानीय तहका प्रमुखहरुले पाएको मतको आधारमा बिशलेषण गर्ने हो भने पनि बाम गठबन्धन मजबुत देखिन्छ । नेकपा माओवादी केन्द्रले ४ नम्बर क्षेत्रमा १० हजार ५ सय ३३ मत पाएको छ । नेकपा एमालेले ९ हजार २ सय ५२ मत प्राप्त गरेको छ । दुबैको मत मिलाउदा १९ हजार ७ सय ८५ हुन्छ । संघीय समाजवादी फोरम नेपालले १० हजार ८ सय ५५ मत प्राप्त गरेको छ भने राजपाले ३ हजार ३ सय १७ मत पाएको छ दुबैको मत जोडदा १४ हजार १ सय ७२ हुन्छ । नेपाली कांग्रेस चार स्थानमा पराजीत भएपछिन भोट सबै भन्दा बढी १३ हजार १ सय २३ मत पाएको छ । नेपाली कांग्रेस र मधेश केन्द्रीत दल राजपा फोरमवीच तालमेल वा गठबन्धन भयो भने क्षेत्र नं ४ यो पक्ष २७ हजार २ सय ९५ मतका साथ अगाडि रहन्छ । लोकतान्त्रिक गठबन्धन हुन सकेन भने बाम गठबन्धनको खातामा यो क्षेत्र जान सम्भव छ । तर बाम गठबन्धनको एउटा घटक नेकपा माओवादी केन्द्रमा रहेको समस्याले यो क्षेत्र बाम गठन्धनकालागि आत्मघाती पनि हुन सक्छ । नेकपा माओवादीको तर्फबाट स्थानीय तहका तीन स्थानमा निर्वाचित प्रमुखहरुले पार्टी नेतृत्वलाई पत्र लेखेर उर्मिला अर्याललाई उम्मेदवार नवनाउन माग गरेका छन । उनीहरुले पार्टी नेतृत्वलाई पत्र लेखेर उर्मिला अर्याललाई उम्मेदवार बनाए चुनाव हार्ने निश्चित रहेको दावी गरेका छन । उनीहरुले यति मात्र उल्लेख गरेका छैनन । आफूहरुले असहयोग गर्ने समेत बताएका छन । पार्टी नेताहरु पि.एल श्रेष्ठ , जालिम मिया मनोज गुप्ता ,शेख चाँद तारा लगायतका नेताहरुले सो पत्रमा हस्ताक्षर गरेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।