एक सय सतासी दिन पछि चौहान एमालेमै फर्किए

11/1/2017 गते 00 00 मा प्रकाशित 1214 पटक पढिएको

कार्तिक १५ बीरगंज
पर्साको पोखरिया नगरपालिकामा संघीय समाजवादी फोरम नेपालबाट मेयरमा पराजीत उम्मेदवार प्रदुम्न चौहान आज एमालेमा प्रवेश गरेका छन । उनीसंग मालपोत कार्यालयबाट सेवानिवृत भई संघीय समाजवादी फोरम नेपालमा आवद्ध राजनीति शुरु गरेका बिधान्चल ठाकुर नेकपा माओवादी केन्द्रमा प्रवेश गरेका छन । बामगठबन्धनका नेताहरुको सहभागितामा पोखरिया आज उनीहरु बाम गठबन्धनमा समावेश भएका हुन । दुवै जनालाई नेकपा एमालेका पोलिट ब्यूरो सदस्य नागेन्द्र चौधरी र छोटेलाल यादव पूर्व सभासद राजकुमार गूप्ताले अविर टिका लगाएर भित्र्याएका हुन । बिदान्चल ठाकुरलाई नेकपा माओवादी केन्द्रको भागमा परेको क्षेत्र नं ३ को ख प्रदेश सभामा उम्मेदवार बनाइने भएपछि बाम गठबन्धनमा उनीहरुको प्रवेश भएको बताइएको छ । चौहान १ सय ८७ दिन अगाडि एमाले पार्टी परित्याग गरि संघीय समाजवादी फोरम नेपालमा प्रवेश गरेका थिए । एमालेलाई मधेश बिरोधी पार्टी भएको आरोप लगाई फोरममा प्रवेश गरेका चौहान पोखरिया नगरपालिकाको मेयरमा फोरमका प्रत्यासी थिए । तर उनले चुनाव भने जित्न सकेनन । ०६४ मा एमालेबाट सभासद निर्वाचित चौहान ०७० मा पराजीत भएका थिए । पार्टीले उनलाई लाखौ बजेट भएको सिम्रनौगढ र्पयटन प्रर्वद्धन समितिमा अध्यक्षमा नियुक्त गरेको थियो । पार्टीको क्षेत्रीय अध्यक्ष रहेका चौहान फोरममा भने केन्द्रीय सदस्य भएका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।