पर्साका कुशवाहा अमेरिकामा राज्य कमिटीमा मनोनीत

9/16/2017 गते 00 00 मा प्रकाशित 1573 पटक पढिएको

अमेरिका ३१ बोस्टन ।
नेपाली प्रबासी मन्च म्यासाच्युसेस् राज्य कमिटीको पाँचौ बैठकले अजय कुशवाहालाई राज्य कमिटीको सदस्यमा चयन गरेको छ । मन्चका केन्द्रिय सदस्य भीम प्रकाश ओलीको प्रमुख आतिथ्यता, पूर्व केन्द्रिय सदस्य लीला राउत,पूर्व राज्य कमिटी अध्यक्ष नवराज दाहालको को उपस्थितिमा र कमिटीका अध्यक्ष राजकुमार थापाको अध्यक्ष्यतामा बसेको बैठकले मनोनयनको निर्णय गरेको हो ।

बैठकले राज्य कमिटीले बिजया दशमी, दीपावली एबम् छठ पर्बको सन्दर्भमा अक्टोबर ९ तारिखमा बोस्टन स्थित हिमालय बिस्ट्रो रेस्टुरेन्टमा शुभकामना एबम् रात्रीभोजको आयोजना गर्ने निर्णय गरेको छ ।

राज्य कमिटी अन्र्तगतका सदस्यता नविकरण गराउन बाँकी सदस्यहरुलाई आग्रह गर्ने र केन्द्रीय एवं राज्य कमिटीका सबै अगुवाहरुको पहलमा यो वर्ष सदस्यता बृद्धि ५० जना पु¥याउने बैठकले निर्णय गरेको राज्य कमिटी सदस्य अजय कुशवाहाले जनाएका छन ।
दीपावली एबम् भाईटिकाको सन्दर्भमा अक्टोबर २० तारिकमा हिल रोड, बेल्मन्टको हलमा देउसीभैलो कार्यक्रमको आयोजना गर्ने र सो कार्यक्रमको सम्योजन मन्चका पूर्व केन्द्रिय सद्स्य लीला राउत र राज्य कोषाध्यक्ष जाल प्रसाद घिमिरेले गर्ने निर्णय बैठकले गरेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।