जनताको चाहना बिपरित स्थानीय तहको चुनावः नेता यादव

7/1/2017 गते 00 00 मा प्रकाशित 1220 पटक पढिएको

पोखरिया १७ असार । पर्सा जिल्लाको पोखरिया नगर पालिकाको वाड नं ९ को रानीगंज टोलमा आज नेपाल संघिय समाजवादी पार्टी द्वारा आयोजित भेला र पार्टी प्रवेश कार्यक्रम सम्पन्न भएको छ । भेलालाई सम्बोधन गर्दै पार्टीका केन्द्रीय उपाध्यक्ष राजकुमार यादवले मधेशी जनताको मर्म र मनोभावना बिपरित स्थानिय तहको पहिलो र दोश्रो निर्वाचन भएको बताए । पटक पटकका मधेश आन्दोलन पछि भएका सम्झौताहरुको र मधेशी जनताको भावना र मर्म बिपरित राजनीतिक नेतृत्वले धोका दिदै आएको बताए । सरकार र मधेश बिरोधी तत्वहरू आँखा भएर पनि दृष्टिबिहिन भएको उनको आरोप थियो । उनले भने सामन्तवादी अर्थ र समाजिक राजनैतिक ब्यबस्थामा हुर्के बढेका नेपालका राजनितीक दल जति सुकै प्रजातान्त्रवादी बने पनि लोकतंत्रवादी र प्रगतिशिल दावी गरे पनि यी राजनितीक दलहरूको शासकिए मनोबिज्ञान बाट मधेशका जनताले मुक्ति न पाउने तर्क थियो । पर्सा जिल्लामा काँग्रेस र मावोवादि पार्टीका केही ब्यक्तिहरू गाउ घरमा सर्वसधारण जनतालाई दमन र शोषण गरि रहेको भन्दै प्रहरी मौन रहेकोमा उनले रोष प्रकट गरेका थिए । हरेन्द्र प्र. गुप्ताको अध्यक्षता सम्पन्न कार्यक्रमको सभापत्ति नथुनि प्र. कुशवाहा ले गरेका थिए । कार्यक्रममा दीप नारायण रौनियार फैयाज अहमद , शम्भु शाह कानु , चोकट गिरी लगायतले मन्तब्य ब्यक्त गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।