मोर्चाद्वारा जिल्ला निर्वाचन कार्यालय घेराउ

4/16/2017 गते 00 00 मा प्रकाशित 1330 पटक पढिएको

बीरगंज ३ बैशाख
संयुक्त लोकतानिन्त्रक मधेशी मोर्चाले पूर्वघोषीत कार्यक्रम अनुसार जिल्ला निर्वाचन कार्यालय पार्समा घेराउ गरेको छ । सरकारले सम्बिधान सभामा पहिला पेश गरेको सशोधन प्रस्ताव फिर्ता लिएर मिाकंन बाहेकको दोश्रो संशोधन प्रस्ताव दर्ता गरेपछि मोर्चाले आन्दोलनको घोषणा गरेको हो ।
जिल्ला निर्वाचन कार्यालय पर्सामा मोर्चाले बिहान १० बजेदेखी १२ बजे सम्म घेराउ गरेका हुन । उनीहरुले पहिला संशोधन अनि निर्वाचन मधेशी एकता जिन्दावाद जस्ता नारावाजी गरेका थिए ।
घेराउ कार्यक्रममा संघीय समाजवादी फोरम नेपालका केन्द्रीय सदस्य करिमा बेगम तराई मधेश लोकतान्त्रिक पार्टीका केन्द्रीय सदस्य शशी कपुर मिया, पर्साका अध्यक्ष प्रदीप यादव सदभावनाका अध्यक्ष इमदाद गदी रष्ट्रीय मधेश समाजवादी पार्टीका जिल्ला अध्यक्ष प्रेम बाबु पटेल युवा नेता फिरोज मन्सुर ओमप्रकाश सर्राफ ईश्वर यादव महिला नेतृ रेखा घिमिरे रेखा साह लगायतका नेता तथा कार्यकर्ताहरुको सहभागिता रहेको थियो ।
यसै गरि मोर्चाले बारा जिल्लाको कलैयामा रहेको जिल्ला निर्वाचन कार्यालयमा पनि आज घेराउ गरेको छ । तमलोपाका महासचिव जितेन्द्र सोनल लगायतका नेताहरुको नेतृत्वमा घेराउ गरिएको हो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।