अदालतको आदेश कार्यान्वयन नगरेको आरोपमा प्रधानाध्यापक पंण्डित पक्राउ
वीरगञ्ज । पर्साको सखुवा प्रसौनी गाउँपालिकाको एक सामुदायिक विद्यालयका प्रधानाध्यापकलाई अदालतको आदेश कार्यान्वयन नगरेको आरोपमा प्रहरीले नियन्त्रणमा लिएको छ।
पर्साको श्री जानकी राजेश आधारभूत विद्यालयमा करार सेवामा कार्यरत प्रधानाध्यापक रामदिनेश पण्डितलाई इलाका प्रहरी कार्यालय पोखरियाले नियन्त्रणमा लिएको हो।
विद्यालयमा सरुवा भएर आएका स्थायी शिक्षकहरूलाई लामो समयदेखि हाजिर नगराएको विषयमा विवाद भएपछि उनीविरुद्ध कानुनी प्रक्रिया अघि बढेको थियो।
करिब साढे पाँच महिनाअघि सरुवा भएर आएका शिक्षकहरूले आफूहरूलाई विद्यालयमा हाजिर गराउन माग गर्दै सम्बन्धित निकायमा निवेदन दिनुका साथै अदालतको समेत ढोका ढकढक्याएका थिए।
सोही क्रममा उच्च अदालतबाट सरुवा भएर आएका शिक्षकहरूलाई विद्यालयमा हाजिर गराउन आदेश जारी भएको बताइएको छ।
तर आदेशपछि पनि शिक्षकहरूलाई हाजिर गराउन प्रधानाध्यापकले आनाकानी गरेको र अदालतको आदेश कार्यान्वयनमा अवरोध गरेको आरोप लागेको छ।
अदालतको आदेश कार्यान्वयन नभएको भन्दै परेको उजुरी तथा उपलब्ध प्रमाणका आधारमा पण्डितलाई नियन्त्रणमा लिएर अनुसन्धान अघि बढाइएको इलाका प्रहरी कार्यालय पोखरियाले जनाएको छ।
प्रहरीका अनुसार पण्डितमाथि लागेको आरोपबारे अनुसन्धान भइरहेको छ। अनुसन्धानबाट प्राप्त तथ्य र प्रमाणका आधारमा थप कानुनी प्रक्रिया अघि बढाइने प्रहरीले जनाएको छ।
आरोप पुष्टि हुन बाँकी रहेकाले घटनाबारे अन्तिम निष्कर्ष अनुसन्धानपछि मात्रै आउने प्रहरीले स्पष्ट पारेको छ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
२५ वर्षे शैक्षिक सेवा पूरा गरेका प्रधानाध्यापक भोजराज गौतमको सम्मानसहित बिदाइ
रंगपुर । पर्साको पटेर्वा सुगौली गाउँपालिका–२ रंगपुरस्थित श्री नेपाल राष्ट्रिय माध्यमिक विद्यालयले करिब २५ वर्ष लामो शैक्षिक सेवा पूरा गरेका प्रधानाध्यापक भोजराज गौतमलाई सम्मानसहित बिदाइ गरेको छ।
वीरगंजको मुख्य सडक विस्तारमा प्रभावितलाई सहुलियत, सेडब्याकमा पुनर्विचार, नक्सापासमा छुट
वीरगंज । वीरगंजको मुख्य सडक विस्तारका क्रममा सडक सीमाभित्र पर्ने धार्मिक तथा ऐतिहासिक महत्वका मठमन्दिर, मस्जिद तथा अन्य धार्मिक संरचना यथास्थानमै रहने गरी सडक निर्माणको काम अघि बढाइने वीरगंज महानगरपालिकाका प्रमुख राजेशमान सिंहले बताएका छन ।
खेलकुद
सिमरामा अन्तर्राष्ट्रिय आमन्त्रण महिला फुटबल प्रतियोगिता हुँदै
सिमरा । बाराको सिमरामा असोज १० देखि १७ गतेसम्म ‘एक्स्ट्रिम जीतपुरसिमरा अन्तर्राष्ट्रिय आमन्त्रण महिला फुटबल प्रतियोगिता’ हुने भएको छ।
ठोरीमा भदौ ६ देखि ७ ए–साइड फुटबल प्रतियोगिता संचालन हुने
वीरगंज । ठोरी गाउँपालिका–३, नयाँबस्ती ब्रह्मनगरमा रहेको आईटी कलेज खेल मैदानमा चौथो संस्करणको ७ ए–साइड फुटबल प्रतियोगिता आयोजना हुने भएको छ ।
तपाईको प्रतिक्रिया