वीरगन्जमहानगरपालिकालाई पूर्ण खोपयुक्तपालिका घोषणा गरिएको छ । नगरसभा गृहमा बिहीबार आयोजित घोषणा सभामा प्रदेश नम्बर २ का खानेपानी तथा उर्जा मन्त्री ओमप्रकाश शर्माले वीरगन्ज महानगरपालिकालाई पूर्ण खोप घोषणा गर्नु भएको हो  ।

घोषणा समारोहमा बोल्दै मन्त्री शर्माले बालबालिकाको पहिलो अधिकार स्वास्थ्य नै रहेकोले कोही पनि बालबालिका खोपबाट बञ्चित हुन नहुने बताउनु भयो ।

अहिले संसारभर फैलिएको कोरोना महामारीले स्वास्थ्य क्षेत्रमानिकै जटिलता ल्याएकोे बताउदै तेश्रो भेरियण्टको जोखिममा बालबालिकाहरु अझ बढी रहने विज्ञहरुको चेतावनीबाट सतर्क रहनुपर्ने बताउनु भयो  ।

कोरोना संक्रमण महामारीले खोप कार्यक्रम प्रभावित भएपनि वीरगन्ज महानगरपालिकाले भने पूर्ण खोप घोषणा गरेकोमा बधाई दिनुभयो ।कोरोना संक्रमण नियन्त्रण र व्यावस्थापनमा महानगरपालिकाले खेलेको भूमिका अत्यन्त उत्कृष्ट रहेको चर्चा गर्नुभयो ।

महानगर प्रमुख विजयकुमार सरावगीले महानगरपालिकालाई पूर्ण खोप घोषणा गरेर मात्रै नहुने बताउदै यसलाई निरन्तरता दिनकालागि स्थानीय वडा अध्यक्ष लगायत जनप्रतिनिधिहरुको सक्रियता आवश्यक रहेको बताउनु भयो ।

वडा अध्यक्षहरुले आफ्ना वडाहरुमा रहेको वडा स्तरीय खोप समितिलाई सक्रिय बनाएर वडाभित्रका बालबालिकाहरुलाई खोपको सुनिश्चितताकालागि सक्रिय भूमिका खेल्न आग्रह गर्नुभयो ।

वीरगन्ज महागनरपालिकामा जन्मिएदेखि १५ महिना सम्मका बालबालिकालाइ लगाईने १२ प्रकारका सबै खोप लगाइ सकेपछि पूर्णखोप घोषणा भएको हो ।

पूर्णखोप घोषणाका लागि वीरगन्ज महानगरपालिकाको कार्यालयले केही समय पहिले महानगरका ३२ वटै वडामा १६ देखि २३ महिना सम्म उमेर समुहका बालबालिकाहरुको बारेमा२९हजार १ सय ९३ घरधुरीमा सर्भेक्षण गरेको थियो ।

सर्भेक्षणका क्रममा १६ देखि २३ महिना सम्म उमेर समूहका बालबालिका २ हजार ६ सय ६१ जना भेटिएका र तीमध्ये जन्मिएदेखि १५ महिना भित्रमा सबै १२ प्रकारका खोप लगाउने बालबालिकाको संख्या २ हजार ६६ जना मात्र देखिएको महानगरका स्वास्थ्य तथा सामाजिक महाशाखाप्रमुख अरुण महतोले बताउनु भयो ।

उहाँले ५ सय ८७ जना बालबालिकाले भने आवश्यक १२ प्रकारकामध्ये आंशिक मात्र खोप लगाएको भेटिएको थियो ८ जनाबालबालिकाले भने कुनै पनिप्रकारको खोप नलगाएको फेला परेको बताउनु भयो  ।

सर्भेक्षणबाट प्राप्त प्रतिवेदन अनुसार महानगरका ३२ वटै वडामा स्वास्थ्यकर्मी र स्वयं सेविकाहरुलाई खटाएर खोप लगाउन छुटेका ५ सय ९५ जना बालबालिकालाइ आवश्यक १२ प्रकारको खोप लगाइएको महानगरपालिकाका खोप अधिकृत रितेश जयसवालले बताउनुभया ।

३२ वटै वडाहरुलाईक्रमश पूर्ण खोप वडा घोषणा गरेपछि महानगरपालिकालाई पूर्ण खोप घोषणा गरिएको हो । नगर स्तरीय खोप समन्वय समितिका अध्यक्षएवं महानगर प्रमुख सरावगीको अध्यक्षतामा भएको कार्यक्रम मामहानगर उपप्रमुख शान्तिकार्की, प्रमुख प्रशासकीय अधिकृत प्रदीपकुमार निरौला,नेपाल पत्रकार महासंघ पर्साका अध्यक्ष अनुप तिवारी, वीरगन्ज महानगरपालिकाका प्रेस सल्लाहाकार गोविन्द देवकोटा वीरगन्ज उद्योग वाणिज्य संघका अध्यक्ष सुवोध गुप्ता,  महानगरपालिकाका ३२ वटै वडाका अध्यक्षहरु, नगर कार्यपालिका सदस्यहरु लगायत विभिन्न संघ संस्थाका प्रतिनिधिहरुको उपस्थिति रहेको थियो । कार्यक्रममा स्वास्थ्य क्षेत्रमा खटिएका सबै स्वास्थ्यकर्मी र स्वयंसेवकहरुलाई प्रशंसा पत्र र दोसल्लाओढाएर सम्मान गरिएको थियो ।