दुईजना मेसुको नाममा भत्ता निकासा, आर्थिक अनियमितता भएको दावी

8/2/2017 गते 00 00 मा प्रकाशित 1103 पटक पढिएको

बीरगंज १८ साउन । पोखरिया अस्पतालमा एउटै महिनामा दूई जना मेडिकल सुपरिटेण्डेण्टले भत्ता बुझेको पाइएको छ । एउटै सेवा दिएवापत दुई दुईजनालाई भूक्तानी दिइएकोमा अस्पतालकै कर्मचारी चंकित भएका छन । पोखरिया अस्पतालमा रामाशिष ठाकुर र शुसील कुमार चौरसियाले मेसु भक्ता बुझेका हुन ।
१५ शैय्याको अस्पतालको रुपमा रहेको पोखरिया अस्पतालमा सेवाग्राहीले गुणस्तरीय सेवा नपाएको अति गुनसो गर्दै आएपनि सेवा सुविधा लिन भने कर्मचारीहरुले कुनै कसुर बाँकी राखेका छैनन ।

अस्पतालमा डा. चित्तरन्जन साह त्यस पछि रामाशिष ठाकुरले मेडिकल सुपरिटेण्डेण्टको रुपमा प्रशासनीक सेवा दिएको भएपनि २०७३ सालको जेठ असारमा शुसील कुमार चौरसियाको नाममा मेसु भत्ता निकासा भएको देखिन्छ । रामाशिष ठाकुरको बढुवा भई असार मसान्तमा सरुवा भएर रौतहट गएपछि चौरसियाले निमित्त मेसुको जिम्मेवारी पाएका हुन ।
अस्पतालका लेखापाल कृषनन्दन यादवले चौरसियाले मेसु भत्ता खाएको स्वीकार गर्नु भयो । मेसु भएकै कारण उहाँले भत्ता खानुभएको हो यादवले भन्नु भयो एउटै भत्ता दुईजनाले खाएका होइनन । तर पोखरिया अस्पतालको लेखाको लेजरमा भने जेठ र असार महिनामा दुबै जना मेसुको नाममा मेसु भत्ता निकासा भएको छ ।

निकासा भएको कुरालाई यादवले त्यस्तो नभएको दावी गर्नु भयो । अस्पतलामा अहिले जोखिम भत्तासमेत लागू भएको छ । ल्याव र एक्सरेमा काम गर्ने प्राविधिक कर्मचारीलाई जोखिम भत्ता पनि उपलब्ध छ । त्यस्तै नेपाल सरकार तर्फका सबै कर्मचारीले महंगी भत्ता समेत खादै आएका छन । अस्पतालमा पाँच जना चिकित्सकको दरवन्दी भएपनि अहिले जम्मा २ जना चिकित्सक मात्र कार्यरत रहेका छन । दैनीक दुई सय सम्म बिरामीहरुले सेवा लिने गरेको अस्पतालले जनाएको छ ।

अस्पतालमा बिकास समितिको तर्फबाट १७ जना कर्मचारी भर्ना गरिएका छन । अस्पतालको आन्तरिक स्रोतबाट कर्मचारीको सेवा सुविधा दिइने गरि नियुक्त कर्मचारीहरुले अहिले मापदण्ड अनुसारको तलव सुविधा भने नपाएको गुनासो गरेका छन । अस्पताल बिकास समितिको आम्दानीको कुनै निश्चितता नहुदा पनि कर्मचारी नियुक्ति गरेर बिकास समितिले अधिकार दुरुपयोग गरेको टिप्पण्ी हुन थालेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।