नेता नेपालद्धारा महानगर निर्वाचन परिचालन कार्यालयको उद्धघाटन

7/24/2017 गते 00 00 मा प्रकाशित 1022 पटक पढिएको

वीरगंज ९ साउन । नेकपा एमालेका बरिष्ठ नेता माधव कुमार नेपालले वीरगंज महानगरपालिका निर्वाचन परिचालन कार्यालयको आज एक समारोहका बिच उदघाटन गरेका छन।
पार्टीका नगर संयोजक उसमान अंसारीको सभापतित्वमा आयोजित एक भव्य समारोहका बीच वीरगंज पानीटंकी नर्सि· होममा निर्वाचन परिचालन कार्यालयको उदघाटन नेता नेपालले गरेका हुन । २ नं। प्रदेशको आसन्न निर्वाचनलाई मध्यनजर गर्दै नेकपा एमालेको निर्वाचन अभियानलाई तिब्र बनाई रहेको बेला बरिष्ठ नेता नेपाल आज वीरगंज आएका हुन । पूर्व प्रधानमन्त्री समेत रहनु भएका बरिष्ठ नेता नेपालले साउन १० गते पार्टीको नगरस्तरिय कार्यकर्ता भेलालाई सम्बोधन गर्ने कार्यक्रम रहेको छ ।
सो अवसरमा पार्टीका पोलिटव्युरो सदस्य नागेन्द्र चौधरी, सांसद्हरु बिचारी यादव, राजकुमार गुप्ता, जयप्रकाश थारु, रामचन्द्र साह, जुनैद अंसारी, पार्टी पर्साका संयोजक प्रभु हजरा, निवर्तमान संयोजक चिरञ्जीवी आचार्य, दिनेश राई, मुस्लिम इत्तेहाद संगठनका केन्द्रिय उपाध्यक्ष बाबुजान अली, एमालेका नेता एवं नेशनल मेडिक कलेजका एमडि बसरुदिन अंसारी, प्रेस चौतारी नेपालका केन्द्रिय उपाध्यक्ष लालबाबु शेख, पत्रकार महासंघ पर्साका अध्यक्ष श्याम बञ्जारा, किशोरी कुशवाहा, ध्रुव कुशवाहा, प्रेमा पौडेल, प्रभा खडका, पप्पु साह लगायतका नेता कार्यकर्ताहरुको उल्लेखनिय सहभागीता रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।