आत्मआलोचना भन्दै आफनै श्राद्ध गरे शर्माले

7/4/2017 गते 00 00 मा प्रकाशित 1091 पटक पढिएको

हेटौडा २० असार र श्राद्ध सम्झने वित्तिकै वितेका आफन्तलाई स्मरण गर्दै गरिने एउटा पवित्र कार्यको रुपमा बुझिन्छ । कसैले आफ्नै श्राद्ध गर्यो भन्ने सुन्दा विश्वास गर्ने कुरा पनि होइन । तर भयो त्यस्तै । आज मंगलबार हेटौँडा २ मा पहिलो चरणको स्थानीय चुनावमा मेयर पदमा उम्मेदवारी दिएर पराजित ४७ वर्षका राकेशकुमार शर्माले आफ्नै श्राद्ध गरेका छन् । यसअघि नेपालका नाम चलेका नेता ,६०१ सभासद र नेपालको सम्बिधान २०७२ को श्राद्ध गरिसकेका राकेशकुमार शर्माले आफ्नै श्राद्ध पनि गर्न भ्याए । यसअघि २०७२ को संविधान मरिसकेको भन्दै श्राद्ध गरेका शर्मालेयही संविधान अनुसार २०७४ वैशाख ३१ गतेको स्थानीय तह निर्वाचनमा हेटौँडाको मेयर पदमा उम्मेदवारी दिएका थिए । निर्वाचनमा उनले जम्मा ३ मत प्राप्त गरेका थिए । संविधान मरेको घोषणा गर्ने आफूले नै निर्वाचनमा उम्मेदवारी दिएकोमा आत्म आलोचन गर्दै आफ्नो श्राद्ध गरेको उनले बताए आफू जिवितै रहँदा श्राद्ध गर्ने प्रचलन रहेको समेत उनको भनाई छ । बर्दिया गुलरिया नगरपालिका–६ का बासिन्दा उनी गएको दुई वर्षदेखि हेटौँडामा बस्दै आएका छन । उनको श्राद्ध पण्डित डिकनाथ पौडेलले गरेका थिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।