logo

वीरगञ्जको नेशनल मेडिकल कलेजमा फेरि तनाव, उपचारका क्रममा शिशुको मृत्यु भएपछि आफन्त आन्दोलित

 इसीमाना सम्वाददाता     २०८३ मंसिर २ गते ०४: ०५ मा प्रकाशित     68   पटक पढिएको

वीरगञ्ज। वीरगञ्जस्थित नेशनल मेडिकल कलेजमा उपचारका क्रममा नवजात शिशुको मृत्यु भएपछि अस्पताल परिसरमा तनाव उत्पन्न भएको छ।

 

चिकित्सक तथा स्वास्थ्यकर्मीको लापरबाहीका कारण शिशुको मृत्यु भएको आरोप लगाउँदै मृतकका आफन्त र स्थानीयवासी आन्दोलनमा उत्रिएका छन्।

 

 बाराको कलैया उपमहानगरपालिका–२२ मदिलवा टोलका १५ दिने शिशुलाई जन्डिसको समस्या देखिएपछि कात्तिक २९ गते अस्पताल भर्ना गरिएको थियो। शिशुलाई अस्पतालको आईसीयूमा राखेर उपचार भइरहेको थियो।

 

परिवारका अनुसार शिशुको स्वास्थ्यमा सुधार आएको भन्दै डिस्चार्ज गर्ने तयारी भइरहेका बेला सुई लगाएपछि शिशु छटपटाउन थालेका थिए। तर तत्काल चिकित्सक उपचारका लागि नपुगेको आफन्तको आरोप छ।

 

अन्ततः दिउँसो २ बजेर १८ मिनेटमा शिशुको मृत्यु भएको जानकारी अस्पतालले दिएको परिवारको भनाइ छ।

 

घटनापछि आक्रोशित आफन्तले उपचारका क्रममा भएको घटनाको सत्यतथ्य सार्वजनिक गर्न, सीसीटीभी फुटेज उपलब्ध गराउन तथा दोषीमाथि कारबाही गर्न माग गरेका छन्।

 

आफन्तले अस्पताल प्रशासनले घटनाको वास्तविकता बाहिर ल्याउन आनाकानी गरेको आरोपसमेत लगाएका छन्। उनीहरूले निष्पक्ष छानबिन नभएसम्म शिशुको शव नबुझ्ने अडान लिएका छन्।

 

यसैबीच, घटनास्थलमा शान्ति सुरक्षा कायम गर्न प्रहरी परिचालन गरिएको छ। जिल्ला प्रहरी कार्यालय पर्साका प्रवक्ता डीएसपी चक्रबहादुर मल्लले शिशुको मृत्यु भएपछि आक्रोशित आफन्त अस्पताल परिसरमा पुगेको पुष्टि गरेका छन्।

 


अस्पतालमा उपचारका क्रममा बिरामीको मृत्यु हुनु आफैँमा गम्भीर विषय हो। तर प्रत्येक घटनापछि लापरबाहीको आरोप, आन्दोलन र छानबिनको माग दोहोरिरहँदा सम्बन्धित सरकारी निकायको जिम्मेवारीमाथि पनि प्रश्न उठ्छ।

 

यदि उपचारमा लापरबाही भएको हो भने निष्पक्ष छानबिन गरी दोषीलाई कानुनी दायरामा ल्याउनुपर्छ। बिरामी र नवजात शिशुको जीवनसँग जोडिएका यस्ता घटनामा अस्पताल प्रशासन र नियामक निकायले जवाफदेहिता देखाउन आवश्यक छ।

 

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग

वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।

भारतीय कम्युनिष्ट पार्टी माओवादीका प्रभावशाली नेता प्रशान्त बोस  ‘किशन दा’ को निधन

वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।

दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम

नयाँ दिल्ली ।  दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका  पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।

भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै

वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।

समाज

लायन्स क्लब अफ वीरगञ्ज मिलेनियम (MJF) द्वारा विपन्न परिवारलाई साडी, खाद्यान्न तथा छठ पूजा सामग्री वितरण

वीरगञ्ज । छठ पर्वको पावन अवसरमा लायन्स क्लब अफ वीरगञ्ज मिलेनियम (MJF) ले सामाजिक उत्तरदायित्व तथा मानवीय सेवाको भावनालाई आत्मसात् गर्दै ९० विपन्न तथा आर्थिक रूपमा कमजोर परिवारलाई साडी, खाद्यान्न एवं छठ पूजाका आवश्यक सामग्री वितरण गरेको छ।

ठोरी–४ विजयबस्तीमा प्रहरी भवन र स्वास्थ्य चौकीको नवनिर्मित भवन उद्घाटन

वीरगञ्ज । पर्साको ठोरी गाउँपालिका–४ विजयबस्तीमा नेपाल प्रहरीको नवनिर्मित भवन र निर्मल बस्ती स्वास्थ्य चौकीको नयाँ भवन एकै दिन उद्घाटन गरी सञ्चालनमा ल्याइएको छ।
सम्पादक

कृष्णचन्द्र लामिछाने

९८५५०२२४९७

बीरगंज १४, पर्सा

सम्पर्क

सीमाना मिडिया प्रा.लि.
बीरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2026 Simana Media Pvt. Ltd.

Design and Development by Cyberlink Pvt. Ltd.