अन्सारीको एमाले प्रवेशसंगै महानरगर प्रमुखको भिडन्त रोचक हुने
बीरगंज २९ जेठ । गएको सम्बिधान सभामा पर्सा क्षेत्र नं २ मा नेकपा माओवादी केन्द्रका प्रत्याशी रहेका बसरुदिन अन्सारी सोमवार एक कार्यक्रमकावीच एमाले प्रवेश गरेका छन । मधेश आन्दोलनको इपिसेन्टरको रुपमा रहेको बीरगंजमा अन्सारीको एमाले प्रवेशले एमाले पंक्तिमा उत्साह र निराशा सहितको मिश्रीत प्रतिक्रिया देखिएको छ ।
मधेश आन्दोलनमा संलग्न रहेका दलहरुको आक्रमणको तारो बनेको नेकपा एमालेले राजनीतिक गतिविधि संचालनमा असहजता महशुस गरेको थियो । अन्सारीको प्रवेशले जनशक्ति र स्रोत परिचालनमा पनि एमाले कमजोर नहुने मनोबिज्ञानले एमाले पंक्तिलाई उर्जा पैदा गरेको छ । एमाले प्रवेश गरेका अन्सारी पार्टीको तर्फबाट बीरगंज महानगरका मेयर पदका उम्मेदवार हुने निश्चित छ ।
७० को सम्बिधान सभामा अन्सारीले ४ हजार बढी भोट ल्याएका थिए । पर्साको क्षेत्र नं २ मा नेकपा एमालले पनि ६ हजार बढी भोट प्राप्त गरेको थियो । पर्साको क्षेत्र नं १ मा नेकपा एमाले तुलनात्मक रुपमा कमजोर भएपनि “मुस्लिम” फ्याक्टरले काम गर्ने बिश्लेषकहरुको दावी छ । बीरगंज महानगरको वडा नं १,२,३ मा मुस्लिम समुदायको उल्लेख्य संख्या छ जुन अन्सारीको लागि फाइदाजनक सावित हुन सक्छ ।
नेपाली कांग्रेसको तर्फबाट पार्टी सभापति अजय कुमार द्विवेदी महानगरको मेयरको उम्मेदवारको रुपमा पक्कापक्की भएपछि हालका सभासद राजेन्द्र बहादुर अमात्य पनि भोलीको दिनकालागि आफू सुरक्षीत भएको महशुस गर्दैछन । जसले द्विवेदीलाई जिताउन उनको भरमग्दुर प्रयत्न हुनेछ । नेपाली कांग्रेस पर्सा भित्र सबै पद द्विवेदीलाई चाहिने भन्ने खालको आवाज सुषुप्त रुपमा उठेपनि त्यसले खासै असर पार्ने देखिदैन ।
एमालेमा भने मेयरका प्रस्तावित उम्मेदवारहरु मध्य सुन्दरकुर्मीमा असन्तुष्टि रहेको छ । तर पार्टीको निर्णयलाई मानेर हिडने कुरामा उनी प्रतिवद्ध रहेको उनी निकटकाले बताएका छन । संघीय समाजवादी फोरमबाट बिजय सरावगी चुनावी मैदानमा उत्रिएका छन । राजपाले चुनावमा नजाने भएपछि महानगरमा लोकप्रिय उम्मेदवारका रुपमा प्रतिस्पर्धामा रहने आश गरिएका बिमल श्रीवास्तव भने चुनावी मैदानमा रहने सम्भावना छैन ।
राजनीतिक रुपमा ताल ठोकेर आफनो उपस्थिति जनाउन नसकेको एमाले अन्सारीको प्रवेश संगै बलियो प्रतिस्पर्धीको रुपमा महानगरमा देखा परेको छ । अन्सारीको एमाले प्रवेश र उम्मेदवारीले बीरगंज महानगरको प्रमुखको लडाईलाई रोचक मात्र बनाउने छैन । सहज आकलनहरु फेल भएर जाने अवस्था निर्माण भएको छ ।
सम्बन्धित शीर्षकहरु
सीमापारी/अन्तराष्ट्रिय
राष्ट्रपति ट्रम्पको खुलासा इजरायल र इरानबीच युद्धविरामको घोषणा
संयुक्त राज्य अमेरिकाका राष्ट्रपति डोनाल्ड ट्रम्पले सोमबार इजरायल र इरानबीचको युद्ध अन्त्य गर्न दुवै देशले युद्धविराममा सहमति गरेको घोषणा गर्नुभएको छ।
मगर संघ बेल्जियमको अध्यक्षमा कल्पना मगर निर्विरोध निर्वाचित
बेल्जियम । मगर संघ बेल्जियमको छैठौं अधिवेशन भव्य रूपमा सम्पन्न भएको छ। अधिवेशनले कञ्चनपुर, नेपाल घर भई हाल बेल्जियममा बसोबास गर्दै आएकी कल्पना मगरलाई अध्यक्ष पदमा निर्विरोध रूपमा निर्वाचित गरेको छ।
प्रवासी नेपाली मञ्च (ओएनएफ) युरोप महादेशको दोस्रो बिस्तारित बैठक १६ बुँदे निर्णय गर्दै सम्पन्न
बेल्जियम । प्रवासी नेपाली मञ्च (ओएनएफ) युरोप महादेशको दोस्रो बिस्तारित बैठक यही जुन ९ मा बेल्जियमको आन्त्वर्पेन शहरमा सम्पन्न भएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
पारसनाथ पोखरी कता, सौन्दर्यकरणको काम हुदैछ उता
वीरगंज । आर्थिक वर्ष सकिन लाग्दा भौतीक पुर्वाधारको निर्माण, सामाजिक जागरणका कामहरुको गति पनि बढ्ने गरेको छ ।
खेलकुद
राष्ट्रपति रनिङ शिल्डमा वीरगंजको लगातार तेस्रो जीत
वीरगंज । वीरगंज महानगरपालिकाले लगातार तेस्रो वर्ष राष्ट्रपति रनिङ शिल्ड प्रतियोगितामा प्रथम स्थान हासिल गर्दै शिल्ड आफ्नो स्थायी स्वामित्वमा ल्याएको छ ।
एमाले नेता पटेलद्वारा २५ लाखको लागतमा निर्माण हुने क्रिकेट मैदानको शिलान्यास
वीरगन्ज । नेकपा एमालेका सल्लाहकार शिव पटेलले क्रिकेट मैदान निर्माण कार्यका एक कार्यक्रमकावीच शिलान्यास गरेका छ ।
तपाईको प्रतिक्रिया