यादवको खोजी गरिदिन श्रीमतीको अपिल

5/28/2017 गते 00 00 मा प्रकाशित 1029 पटक पढिएको

बीरगंज १४ जेठ । बैशाख २४ देखी परिवारको सम्र्पक भन्दा बाहिर रहेका बीरगंजको वडा नं २७ कोहडीका ४५ वर्षिया रामाधार राउत यादवको परिवारले उनी अपहरणमा परेको दावी गरेका छन । बीरगंजमा ०७४ जेठ १३ गते पत्रकार सम्मेलनको आयोजना गरेर उनीहरुले अपहरणमा परेका राउतको खोजी गरिदिन स्थानीय प्रशासन अपिल गरेका छन । बैशाख २४ गते जन्त जान्छस भनेर हिडेका श्रीमान फर्किएर नआएको राउतीकी श्रीमती उर्मिला देवीले भन्नु भयो । उर्मीला देवीको माइतमा दाजुभाई नभएकोले माइतीको सम्पतीमा तीन छोरी मध्यका जेठी मन्तुरा देवी र उनका श्रीमान भोला राउत यादवले कब्जा गर्न खोजेको र आफनो श्रीमानले बिरोध गर्दा उनको अपहरण गरिएको अरोप उर्मिला देवीको छ । प्रहरीले भोला राउत यादवलाई नियन्त्रणमा लिएर घटनाको अनुसन्धान गरिरहेको जनाएको छ । हामी अनुसन्धानमै छौ पर्साका प्रहरी प्रवक्ता चक्रराज जोशीले भने अहिले सम्म रामाधार राउत हुन सक्ने आशंका भएको ठाउमा खोजतलाश गरेका छौ तर उनको पत्तो लागेको छैन । रामाधारका परिवारजनले भने आफनो श्रीमानको अपहरणमा संलग्नहरुलाई जोेगाउन राजनीतिक नेताहरु र प्रहरी समेत लागेको आरोप लगाएका छन ।रामाधारका परिवारले किटानी जाहेरी दिएपनि प्रहरीले मुद्धा भने दर्ता गरेको छैन । भोला राउतलाई केही सार्वजनीक अपराध ऐन अन्र्तगत मुद्धा चलाएर अपहरण घटनामा अनुसनधान गरिहरेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।