सत्ता होइन अव चुनावमा जान्छौ ः अध्यक्ष गच्छदार

4/4/2017 गते 00 00 मा प्रकाशित 2105 पटक पढिएको

काठमाडौं ,२२ चैत । मधेसी जनअधिकार फोरम लोकतान्त्रिक का अध्यक्ष बिजय कुमार गच्छदारले आफ्नो पार्टी स्थानीय चुनावमा जाने बताएका छन । उनले जनमताको कदर गर्ने भन्दै चुनवालाई रणनीतिक रुपमा सदुपयोग गर्ने पार्टीको नीति रहेको बताए ।

काठमाण्डौमा संचारकर्मीहरुसंग कुरा गर्दै अध्यक्ष गच्छदारले मधेसी मोर्चामा रहेका दलहरु चुनावमा गए वा नगएपनि फोरम लोकतान्त्रिक चुनावमा भाग लिने बताएका हुन ।तर उनले संविधान संसोधन गरेर मधेसको मुद्दा समाधान गर्नुपर्नेमा आफ्नो पार्टीको अडान कायम रहेको पनि बताए ।

स्थानीय तहको निर्वाचनको सदुपयोग गरेर अगाडि बढछौ उनले भने अब कुनै भ्रम र अफवाहको पछाडि नदौडी निर्वाचनको तयारीमा जोडतोडका साथ लाग्न कार्यकर्ताहरुलाई आग्रह गर्छु।

अध्यक्ष गच्छदारले संविधान संशोधनका लागि अझै पनि समय रहेको भन्दै निर्वाचनलाई सार्थक बनाउन असन्तुष्ट पक्षलाई पनि सहभागी बनाउनुपर्नेमा जोड दिए। अहिलेको परिस्थितिमा आफू सरकारमा सहभागी नहुने समेत उनले प्रष्ट पारे।पार्टीलाई राष्ट्रीय दलको रुपमा स्थापीत गर्ने अभियानमा लागेका गच्छदारको फोरम लोकतान्त्रिक निर्वाचनमै सोझिए पछि अन्य मधेसकेन्द्रीत दलहरु समेत दबाबमा परेकाछन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।