वीरगञ्ज, २५ चैत । पर्साको विश्रामपुर निवासी आनोद साह कलवारको अपहरण, शरीर बन्धक तथा हत्याका मामिला दबाउन नेपाल प्रहरी अग्रसर रहेको तथ्य प्रहरीकै गतिविधीले देखाएको छ । घटनाको शुक्रबार १७ औं दिनसम्म जिल्ला प्रहरी कार्यालय पर्साले जाहेरी निवदेन दर्ता गर्न मानेको छैन । पिडित परिवारसँग घटनाको बारेमा विस्तृत जानकारी १४ औं दिन पछि मात्र अधिकारकर्मीहरुको दवाबका कारण प्रहरीले लिएको छ । घटनाको विरोधमा वितेको चैत १७ गते विश्रामपुरका सयौंको संख्यामा रहेको स्थानीयले प्रहरी उपरीक्षक गोविन्द साहलाई भेटी दोषी उपर कारवाहीको माग गरेका थिए । प्रहरीले कारवाहीमा पछि नहट्ने प्रतिबद्धता जनाएपनि कामकारवाहीको शैलीमा परिवर्तन देखाएन ।

प्रहरी फसेपछि उसले व्यवसायीक प्रतिबद्धता विपरित हर्कत गर्न थालेको असन्तुष्ट प्रहरी अधिकृतहरुकै भनाई छ । आनोद साह कलवार चैत ८ गते बजार जान्छु भनेर हिँडेको र घर नफर्के पछि परिवारजनले उनको खोजी कार्य जारी गरेको थियो । भोली पल्ट विश्रामपुर र पिपराको बीचमा कल्र्भट नजिक झोलामा तरकारी बोकेको अवस्थामा उनले प्रयोग गर्ने साईकल फेला परे पछि परिवारजनले प्रहरीलाई खबर गरेका थिए । प्रहरीले उनको खोजीमा ध्यान दिएन । प्रहरी लापरवाहीको परिणाम स्वरुप चैत १५ गते अनुहार चिन्न नसक्ने गरी गहुँबारीमा फालिएको अवस्थामा साहको लास फेला परेको थियो । शवको मुचुल्का गर्ने प्रहरीका अनुसार दुईवटै आँखामा किल्ला गाडेको, जिब्रो, कान, नाक, हातखुट्टाको औला काटेको अवस्थामा उनको शव फेला परेकोले यातना दिएर हत्या गरिएको देखिन्छ । उनको नजिकैको घरमा हत्या गरेर लाश गन्हाउन थालेपछि गहुँवारीमा फालिएको आशंका गरिएको छ । घटनाको प्रकृति हेर्दा घटनास्थल पनि नजिकै हुनुपर्छ, हामी त्यसको खोजीमा जुटेका छौं मुचुल्का गर्न विश्रामपुर पुगेका प्रहरीले भनेको कुरा स्थानीयले बताएका छन् ।

काँग्रेसको नेताहरुको घरमा आश्रय लिएर बसिरहेका छन् । मुद्दामा काँग्रेसका नेताहरु सहयोगमा लागे पछि हत्याराका परिवारजन बिहीबार नेपाली काँँग्रेसमा प्रवेश गरेका छन् । उनीहरुलाई अविरको टिका लगाएर रातारात संगठनको जिम्मेवारी दिएर जोगाउने एक चरणको प्रचञ्च सम्पन्न भएको छ । त्यस्तै घटनाको भोली पल्टै पिडित परिवारलाई एक विगाहा जग्गा र दश लाख रुपैयाँ दिएर मुद्दा सल्टाउने प्रयास भएको थियो । तर पिडित परिवार कानूनी कारवाहीको अडानमा अडिग भए पछि सो रकम प्रहरीलाई नै दिएर मामिला मिलाउने अभियानमा केहि व्यक्तिहरु लागे पछि प्रहरी सो मुद्दाको अनुसन्धानमा व्यवसायीक प्रतिबद्धता विरितको गतिविधि सुरु गरेको देखिन्छ ।

घटना सम्बन्धमा पर्साका प्रहरी प्रवक्ता चक्रराज जोशीले भने स् सोमबारसम्म मुद्दा दर्ता हुने सम्भावना रहेको छ । यो मुद्दालाई एसपी साहेबले आफै हेरेका कारण धेरै कुरा आफूलाई जानकारी नभएको बताए ।