अस्थायी शिक्षकहरुको धर्ना सातौ दिनमा

4/30/2017 गते 00 00 मा प्रकाशित 1120 पटक पढिएको

बीरगंज १७ बैशाख । अस्थायी शिक्षक संघर्ष समितिको आव्हानमा ७ औ दिन देखी अस्थायी शिक्षकहरु धर्नामा बसेका छन । जिल्ला शिक्षा कार्यालय पर्सा परिसरमा उनीहरु आफनो रोजगारीको सुनिश्चतताको माग राखेर धर्नामा बसेका हुन ।०४८ साल देखी अध्यापन पेशामा लागेका तर स्थायी नभएका शिक्षकहरु आन्दोलनमा उत्रिएका हुन । सरकारले शिक्षा ऐनको आठौ शोधन मार्फत अस्थायी शिक्षकहरुलाई बिल्लीवाठ बनाउने प्रावधानहरु ल्याएको भन्दै उनीहरुले आठौ संशोधनको खारेजीको माग समेत गरेको अस्थायी शिक्षक सर्षष समितिका अध्यक्ष बिन्दा दासले बताउनु भयो ।सरकारले आन्तरिक प्रतिस्पर्धा ब्यवस्था गरेको छ । आन्तरिक प्रतिपस्पर्धामा भाग नलिनेहरुका लागि“ गोल्डेन ह्याण्डसेक”भन्दै केही रकम दिने भएको छ । प्रस्पिर्धामा सहभागी भएर ४० अंक ल्याउन नसक्नेहरु रित्तो हात घर फर्किनु पर्ने छ । यस्तो ब्यवस्थाका बिरुद्ध अस्थायी शिक्षकहरु आन्दोलनमा उत्रिएका हुन । उनीहरुले सरकारले ल्याएको यो ब्यवस्थामा आफूहरु सहभागी नहुने बताएका छन । आन्तरिक प्रतिस्पर्धाको नाममा शिक्षकहरुलाई रोजीरोटी कमाउने अवसरबाट बन्चित गराउने काममा सरकार लागेको भन्दै अस्थायी शिक्षकहरु आन्दोलनमा उत्रिनाले पठन पाठन र आउने निर्वाचनमा समेत प्रभाव पर्ने भएको देखिन्छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।