जिल्ला समन्यव समिति पर्साको कार्यालयको बोर्ड मेटेर मधेस सरकार
संयुक्त लोकतान्त्रिक मधेशी मोर्चाका नेता तथा कार्यकर्ताले जिल्ला समन्यव समिति पर्साको कार्यालयको बोर्ड मेटेर मधेस सरकार लेखेका छन्। साविक जिल्ला विकास समितिको कार्यालय केही दिन पहिले जिल्ला समन्वय समितिमा रूपान्तरित भएपछि बनाएको साइनबोर्ड मोर्चाले मेटाएको हो।
सोमबार बिहान संघीय समाजवादी फोरम नेपालका पर्सा अध्यक्ष प्रदीप यादव, राष्ट्रिय मधेश समाजवादी पार्टीका पर्सा अध्यक्ष प्रेमबाबु पटेल, तराई मधेश सद्भावना पार्टीका पर्सा अध्यक्ष वीरेन्द्र यादव, फोरम गणतान्त्रिकका पर्सा अध्यक्ष मुस्तकिम मिया, सद्भावनाका पर्सा उपाध्यक्ष ईश्वरचन्द्र यादव लगायतको नेतृत्वमा पुगेका आन्दोलनकारीहरुले कर्मचारीहरुलाई मुल गेटमै रोकेर कार्यालय भवन तथा मुलद्धारमा लेखिएका बोर्डमा कालो पोतेका थिए।
अहिलेकै अवस्थामा स्थानीय तह सञ्चालन र निर्वाचन हुन नदिने संघीय समाजवादी फोरमका पर्सा जिल्ला अध्यक्ष प्रदिप यादवले बताए। उनले भने, ‘हामी कुनै पनि हालतमा अहिलेको अवस्थामा चुनाव हुन दिदैनौं, जनसख्याको आधारमा स्थानीय तहको निर्माण नभएसम्म हाम्रो आन्दोलन चलिरहने छ।’
मधेशको सहभागिता पहाडकोभन्दा आधा रहने गरी स्थानीय निकाय बनेको भन्दै उनले भने, ‘मधेशमा प्रतिनिधित्व घटाउन र विकास बजेट ३० प्रतिशत मात्र आउने गरी अहिले स्थानीय तह निर्धारित गरिएको छ, यहाँको जनताले तीन दलको यो षडयन्त्र राम्ररी बुझेका छन्।’
स्थानीय तहको सन्दर्भमा आफूहरूको न्यायपूर्ण राजनीतिक मागहरुलाई समेत सरकारले सुनुवाई गर्ने छाटकाट नदेखाएकोले यस प्रकारले विरोध जनाउन मोर्चा बाध्य भएको उनको भनाइ थियो।
सरकारले मधेशमा बलपूर्वक चुनाव गराए आफूहरुले कडा प्रतिवाद गर्ने सद्भावना पार्टीका वीरगन्ज प्रमुख ओमप्रकाश सर्राफले प्रतिक्रिया दिए। पूर्वराज्यमन्त्री करिमा बेगम, नेताहरु विरेन्द्र यादव मुस्तकिम अन्सारी लगायतले सरकार बिरुद्ध चर्को नाराबाजी समेत गरेका थिए।
आजै बिहान मोर्चाको पर्सा जिल्ला समवन्य समतिको बसेको बैठकले पर्साको सम्पूर्ण कार्यालयहरुमा क्रमबद्ध रूपमा तालाबन्दी समेत गर्ने निर्णय गरेको छ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
वीरगंजको मुख्य सडक विस्तारमा प्रभावितलाई सहुलियत, सेडब्याकमा पुनर्विचार, नक्सापासमा छुट
वीरगंज । वीरगंजको मुख्य सडक विस्तारका क्रममा सडक सीमाभित्र पर्ने धार्मिक तथा ऐतिहासिक महत्वका मठमन्दिर, मस्जिद तथा अन्य धार्मिक संरचना यथास्थानमै रहने गरी सडक निर्माणको काम अघि बढाइने वीरगंज महानगरपालिकाका प्रमुख राजेशमान सिंहले बताएका छन ।
रसुवा बाढीमा बेपत्ता वीरगंजका ६ नागरिकको खोजी तीव्र बनाउन पूर्वमन्त्री यादवको मांग
वीरगंज । रसुवा बाढीमा परी बेपत्ता भएका वीरगंज महानगरपालिका वडा नं. २२, जगरनाथपुरका ६ जना नागरिकको अवस्था अझै अज्ञात रहेपछि पीडित परिवारको पीडा झनै गहिरिँदै गएको छ।
खेलकुद
सिमरामा अन्तर्राष्ट्रिय आमन्त्रण महिला फुटबल प्रतियोगिता हुँदै
सिमरा । बाराको सिमरामा असोज १० देखि १७ गतेसम्म ‘एक्स्ट्रिम जीतपुरसिमरा अन्तर्राष्ट्रिय आमन्त्रण महिला फुटबल प्रतियोगिता’ हुने भएको छ।
ठोरीमा भदौ ६ देखि ७ ए–साइड फुटबल प्रतियोगिता संचालन हुने
वीरगंज । ठोरी गाउँपालिका–३, नयाँबस्ती ब्रह्मनगरमा रहेको आईटी कलेज खेल मैदानमा चौथो संस्करणको ७ ए–साइड फुटबल प्रतियोगिता आयोजना हुने भएको छ ।
तपाईको प्रतिक्रिया