बम्जनले आफूलाई परमात्मा घोषणा गरे

3/30/2017 गते 00 00 मा प्रकाशित 2514 पटक पढिएको

काठमाण्डौ,१८ चैत ।झण्डै ११ वर्षअघि निराहार बसेर ज्ञान प्राप्त गरिएको प्रचार गरिएका राम बहादुर बम्जन अहिले २५ वर्षको लक्का जवान भएका छन । उनी त्यतीबैलै संसारकै लागि आकर्षणका केन्द्र बनेका थिए ।

अहिले बम्जनले आफूलाई परमात्मा घोषणा गरेका छन् । उनले आफूलाई मैत्री धर्मको अनुयायी बताउदै मैत्री धर्मको प्रचार गरिरहेका छन् । उनका अनुयायीहरुले ललितपुरको चुनिखेलमा विश्व मैत्री शान्तिपूजाको आयोजना गर्दैछन् र पूजाको लाखौं खर्च गरेर व्यापक प्रचारप्रसार भइरहेको छ ।

‘मैले सृष्टिको रहस्य बुझेँ बम्जनले भनेका छन भगवान बुद्धको भन्दा बढी ज्ञान पाइसकेँ । अहिलेसम्मका सबै भगवान भनिएकाहरूभन्दा म माथि छु । अब यो जगतमा धर्मको शासन चलाउने जिम्मा मेरो काँधमा छ ।’

उनी बुद्धभन्दा माथि कसरी भए रु आफूले आफैलाई परमात्मा साबित गर्नु सही हो कि गलत रु त्यसैका पछाडि सोझा जनता लाग्नु चाहिं अचम्म छ । उनका नाममा देशविदेशमा संस्थाहरु खुलेका छन् र ती संस्थाबाट यो विश्व मैत्री शान्तिपूजामा सहभागीता हुने बताइएको छ ।

यी परमात्मासँग धनी ब्यक्तिहरु सांसद तथा सिभिल बैंकका अध्यक्ष इच्छाराज तामाङ, पूर्व डिआइजी डिवी लामा, पूर्वप्रशासक ललितबहादुर थापा, क्याम्पियन एकेडेमीका पूर्वसञ्चालक कैलाश देवानजस्ता अनेक व्यक्ति जोडिएका छन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।