नयाँ शक्ति पर्सामा दुई जिल्ला समिति

3/17/2017 गते 00 00 मा प्रकाशित 1162 पटक पढिएको

बीरगंज ५ चैत ।
नयाँ शक्ति पार्टी पर्सामा दुईवटा जिल्ला समिति संचालनमा आएका छन । आज पत्रकार सम्मेलनको आयोजना गरि हरि मण्डलको अध्यक्षतामा नयाँ जिल्ला समिति निर्माण गरिएको जानकारी दिइएको हो । नेपाल पत्रकार महासंघ पर्सा शाखाको ज्योती सभाकक्षमा आयोजना गरिएको पत्रकार सम्मेलनमा, बलिराम साहको अध्यक्षतामा रहेको समितिले बैठक नवसालेको ,मनोमानी रुपमा केन्द्रीय परिषदमा नामावाली पठाएको,तानाशाही शैलीमा पार्टी संचालन गरेको ,कार्यालय संचालन गर्न नसकेको जिल्ला समिति निष्क्रिय रहेको कार्यकर्ता पंक्तिलाई हतोत्साही गर्ने गरि नेतृत्वले ब्यवहार गरेकोले नयाँ समिति बनाउनु परेको हरि मण्डलले बताए । नयाँ शक्ति पार्टीको नयाँ समानन्तर समितिमा सह संयोजकको रुपमा रामश्वरुप राम,हिरा भट्टराई र राजु बैठा रहेका छन । त्यस्तै १ नम्बर क्षेत्रको संयोजकमा मुर्ली मनोहर,२ मा टुनटुन तिवारी,३ मा रास्वरुप राम ४ मा उमेश यादव,५ मा बीरेन्द्र महतो संयोजक रहेका छन । त्यस्तै बुद्धिजीवी फाँट प्रमुखमा द्वारिका श्रीवास्तव,महिला फाँट प्रमुख हिरा भट्टराई र चन्दा राम मुस्लिम फाँट प्रमुखमा समिम अन्सारी, दलीतमा राकेश राम,मजदुरमा रामदिनेश पटेल बिद्यार्थीमा पुरुषोत्तम चौरसिया रहेका छन भने पार्टीको कार्यालय सचिवमा रामदिनेश कुर्मी रहेका छन छ । यस अघि पार्टीका २ प्रदेशका संयोजक महेन्द्र पासवानले हिजो एक बिज्ञप्ति जारी गरि आमन्त्रीत केन्द्रीय कार्यकारी समितिका सदस्य हरिमण्डललाई कारवाहीको दायरामा राखिएको जनाएका थिए । पासवानको बिज्ञप्ति पछि मण्डल पक्ष सक्रिय भएको हो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।