हेटौडमा बिरोधका बाबजुद सडक अतिक्रमण हटाइदै

2/21/2017 गते 00 00 मा प्रकाशित 1227 पटक पढिएको

हेटौँडा, १० फागुन
जिल्ला ट्राफिक प्रहरी कार्यालय मकवानपुरको भवन भत्काएर शुरु भएको सडक अतिक्रमण हटाउने काम मकवानपुरमा अहिले राप्तीरोडका घरहरु भत्काउन चलिरहेको छ ।
बिभिन्न संघ संस्थाको बिरोधका बाबजुद डिभिजन सडक कार्यालय मकवानपुरले सडक अतिक्रमण हटाउने कामलाई निरन्तरता दिएको छ । सडकको वीच केन्द्रबाट दाँया बाँया २५ मिटर भित्रको सडक फराकिलो अभियानलाई कार्यालयले निरन्तरता दिएको हो । हेटौँडा बसोबास संरक्षण समिति, मकवानपुर उद्योग वाणिज्य संघ र विभिन्न व्यवसायीहरुको संगठनले सडक अतिक्रमण हटाउने कामको विरोध गरेपनि घरहरु भत्काइँदै छ । सरकारले गत माघ ४ गतेदेखि सडक फराकिलो अधियान सुरु गरेसंगै बिरोधको अभियान पनि शुरु भएको थियो । कार्यालयले सडकको दाया बाया रहेका घरका धनीहरुलाई सास्ती दिएका भन्दै हेटौँडा बसोबास संरक्षण समितिले धेरै पटक आन्दोलन गरिसकेको छ । बिरोधमा रहेका संस्थाहरुको आव्हानमा फाल्गुन ९ गते मकवानपुर जिल्ला बन्द समेत गरेको थियो ।
तत्कालिन क्षेत्रीय प्रशासक विनोद केसीको सरुवा पछि सडक फराकिलो अभियान रोकिने आशंका धेरैले गरेका थिए । तर नयाँ क्षेत्रीय प्रशासक शम्भु कोइरालाले पनि यो अभियानलाई निरन्तरता दिएरै छाडे । गत फागुन ८ गतेबाट सडक फराकिलो अभियानले पुन निरन्तरता पाएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।