वीरगन्ज, ११ मंसिर । साना सवारी साधनका पारखीहरुको लागि नेपालमा भित्रिएको फोर्डको अत्याधुनिक इको फोर्ड वीरगन्जमा पनि सार्वजनिक गरिएको छ ।
अमेरिकी कार उत्पादन कम्पनी फोर्डको नेपालका लागि आधिकारिक विक्रेता गोल्छा समूहको जिओ अटोमोबाईल्सले नेपालमा ल्याएको इको फोर्ड गाडी वीरगन्जको डिलर एसए इन्टरप्राईजेजले सोमबार सार्वजनिक गरेको हो । नयाँ उत्पादन इको फोर्ड गाडीको प्रतिनिधिसभा निर्वाचन क्षेत्र नम्बर १ को प्रदेशसभा निर्वाचन ‘क’ का उम्मेदवार रहबार अन्सारीेले उदघाटन गरे ।
फोर्ड गाडी विक्रीमा निकै बजार लिएको एसए इन्टरप्राईजेजले वीरगन्जमा चारबर्षअघि मात्रै शोरुम खोलेको थियो । दुईबर्षको अवधीमा वीरगन्जबाट करिब दुईसको हाराहारीमा फोर्डको गाडी विक्री भएको एसए इन्टरप्राईजेका संचालक सब्बा अन्सारीले जानकारी दिए ।
बजारमा आउने साना सवारी साधनहरु मध्य इको फोर्ड सबै सुविधामा सस्तो गाडी रहेको कम्पनीले दावी गरेको छ । रिमोट किलेस (साँचो नहाली) कारभित्रै राखेपनि गाडी स्टार्ट हुने यसको विशेषता छ ।
डुअल एयरव्याग्स, एबिएस वीथ इबिडि लगायत अरु गाडीहरुमा पाईने सुविधा भन्दा बढी सुविधा सहितको इकोफोर्ड गाडीको अहिलेको बजारम मुल्य ३३ लाख ९० हजार रहेको छ ।
ब्लुटुथ ह्याण्ड्स फ्री अडियो, टिल्ट एण्ड टेलिस्कोपिक म्युजिक सिस्टम लगायतका विभिन्न सुविधाहरु रहेको कार अहिले नेपाली बजारमा ग्राहकहरुको रोजाईमा पर्ने कम्पनीले विश्वास लिएको छ । इको स्पोर्ट गाडी सोमबार सार्वजनिक गरेकै दिन एउटा बुकिङ्ग भएको पनि एसए इन्टरप्राईजेजका रोशन आलमले जानकारी दिए ।
तपाईको प्रतिक्रिया