वीरगञ्जमा भन्सार छलीका कपडा नियन्त्रणमा लिँदा सशस्त्र प्रहरीमाथि आक्रमण, ३ जना घाइते (अपडेट)
वीरगञ्ज । पर्साको वीरगञ्ज महानगरपालिका वडा नम्बर–१० आदर्शनगर क्षेत्रमा भन्सार छली गरी अवैध रूपमा भण्डारण गरिएको कपडामाथि छापा मार्ने क्रममा सशस्त्र प्रहरीमाथि हिंस्रक आक्रमण भएको छ।
वीरगञ्ज भन्सार कार्यालय र सशस्त्र प्रहरी बल नेपाल नम्बर १३ गण पर्साको संयुक्त टोलीले ठोस सूचनाका आधारमा सोमबार छापा मारेको थियो। छापाका क्रममा करिब ५ लाख रुपैयाँभन्दा बढी मूल्य बराबरका ५ पोका कपडा बरामद गरिएको सशस्त्र प्रहरीले जनाएको छ।
कपडा नियन्त्रण गरी प्रहरी गाडीमा लोड गर्न थालेकै बेला आक्रोशित व्यापारी तथा तस्कर समूहले सशस्त्र प्रहरीमाथि कुटपिट र ढुंगामुढा प्रहार गरेका थिए। आक्रमणमा ३ जना सशस्त्र प्रहरी सामान्य घाइते भएका छन्।
घटनाका क्रममा सशस्त्र प्रहरीका दुईवटा सरकारी गाडी—एक वानटन र एक स्कार्पियो—को सिसा फुटाइएको छ भने ना १ झ १५३१ नम्बरको भ्यानमा पनि क्षति पुगेको छ। साथै, सशस्त्र प्रहरी जवान महम्मद अन्सारी आलमको मोबाइल फोनसमेत खोसिएको जनाइएको छ।
सशस्त्र प्रहरी उपरीक्षक मोहन क्षेत्रीका अनुसार अवैध गोदाम सञ्चालन गरिएको मदन प्रसाद गुप्ताको घरबाट कपडा बरामद गरिएको हो। आक्रमणमा संलग्न व्यक्तिहरूको पहिचानका लागि सीसीटीभी फुटेज संकलन गरी अनुसन्धान अघि बढाइएको छ।
घाइते प्रहरीको अवस्था सामान्य रहेको र बरामद कपडा भन्सार कार्यालयको जिम्मा लगाइएको सशस्त्र प्रहरीले जनाएको छ। घटनापछि आदर्शनगर क्षेत्रमा सुरक्षा सतर्कता कडा पारिएको छ।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
ट्रक र कन्टेनर ठोक्किँदा कन्टेनर चालकको मृत्यु
वीरगंज। पुर्व पश्चिम महेन्द्र राजमार्ग अन्तर्गत हेटौँडा–नारायणगढ सडकखण्डमा आज बिहान भएको सवारी दुर्घटनामा एक जनाको मृत्यु भएको छ।
सूर्य नेपालको सहयोगमा वीरगंजमा प्लास्टिक फोहोर प्रशोधन प्लान्टको निर्माण अन्तिम चरणमा, महानगर प्रमुख सिंहले गरे स्थलगत अवलोकन
वीरगंज । वीरगंज महानगरपालिकाको फोहोर व्यवस्थापन केन्द्र (डम्पिङ साइट) मा प्लास्टिकजन्य फोहोर व्यवस्थापनका लागि निर्माण भइरहेको प्रशोधन प्लान्टको काम अन्तिम चरणमा पुगेको छ ।
खेलकुद
एनपीएल सिजन–२ ,काठमाडौँ गोर्खाजको विजयी सुरुआत
काठमाडौं । दोस्रो संस्करणको नेपाल प्रिमियर लिग (एनपीएल) क्रिकेट मा काठमाडौँ गोर्खाजले विजयी सुरुआत गरेको छ। जनकपुर बोल्ट्सले दिएको १३१ रनको लक्ष्य काठमाडौँले १८ ओभरमै ५ विकेट गुमाउँदै पूरा गर्यो।
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
तपाईको प्रतिक्रिया