logo

सर्लाहीमा इँटा प्रहारबाट वृद्धको मृत्यु, हत्याको आरोपमा १९ वर्षीय युवक पक्राउ

 ईसिमाना सम्वाददाता     २०८३ मंसिर ५ गते ०७: ०७ मा प्रकाशित     74   पटक पढिएको

लालबन्दी । सर्लाहीको हरिपुर्वामा सुतिरहेका वृद्ध दम्पतीमाथि इँटाको टुक्रा प्रहार गरी गम्भीर घाइते बनाएको घटनामा एक वृद्धको ज्यान गएको छ। घटनामा संलग्न रहेको आरोपमा प्रहरीले १९ वर्षीय एक युवकलाई पक्राउ गरेको छ।

 

मृत्यु हुनेमा हरिपुर्वा नगरपालिका–९, बसन्तपुरका करिब ७४ वर्षीय सुकदेव साह तेली (वासुदेव साह) रहेका छन्। गत कार्तिक २८ गते बिहान उनी र उनकी ७३ वर्षीया श्रीमती जिवछी देवी आफ्नै घरभित्र टाउको तथा अनुहारमा गम्भीर चोट लागेको अवस्थामा फेला परेका थिए।

 

घरमा सञ्चालन गरिएको सानो किराना पसलसमेत रहेको वृद्ध दम्पती बिहान अबेरसम्म नउठेपछि जेठा छोरा घर पुगेका थिए। ढोका खोलेर हेर्दा दुवै जना रगताम्य अवस्थामा देखिएपछि उनले तत्काल प्रहरीलाई खबर गरेका थिए।

 

प्रहरीले घाइते दम्पतीलाई उपचारका लागि प्रादेशिक अस्पताल जनकपुरधाम पुर्‍याएको थियो। उपचारकै क्रममा मंसिर ३ गते सुकदेवको मृत्यु भएको जिल्ला प्रहरी कार्यालय सर्लाहीले जनाएको छ।

 

प्रहरीको अनुसन्धानअनुसार कार्तिक २७ गते राति करिब १० बजे हरिपुर्वा–९ कै अन्दाजी १९ वर्षीय शंकर कुमार यादव घरभित्र प्रवेश गरेका थिए।

 

 दम्पती सुतिरहेको मौका छोपेर उनले इँटाको टुक्राले दुवैको टाउको र अनुहारमा पटक–पटक प्रहार गरी फरार भएको प्रारम्भिक अनुसन्धानबाट खुलेको प्रहरीले जनाएको छ।

 

घटनापछि प्रहरीले कार्तिक २८ गते नै यादवलाई आफ्नै घरमा लुकीछिपी बसेको अवस्थामा नियन्त्रणमा लिएको थियो। प्रहरीका अनुसार यादव गाँजा सेवन गर्ने गरेका थिए।

 

मृतक र आरोपितबीच गाँजाको किनबेचका विषयमा विवाद भएको र त्यही रिसइबीका कारण घटना भएको प्रारम्भिक अनुसन्धानमा देखिएको छ।

 

घटना हुँदा ज्यान मार्ने उद्योगसम्बन्धी कसुरमा अनुसन्धान अघि बढाइएको थियो। तर घाइते वृद्धको उपचारका क्रममा मृत्यु भएपछि आरोपितविरुद्ध ज्यान मार्ने उद्योग तथा ज्यानसम्बन्धी कसुरमा अनुसन्धान भइरहेको प्रहरीले जनाएको छ।

 

जिल्ला प्रहरी कार्यालय सर्लाहीका सूचना अधिकारीका अनुसार घटनाबारे थप अनुसन्धान इलाका प्रहरी कार्यालय केशरगञ्जमार्फत भइरहेको छ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग

वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।

भारतीय कम्युनिष्ट पार्टी माओवादीका प्रभावशाली नेता प्रशान्त बोस  ‘किशन दा’ को निधन

वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।

दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम

नयाँ दिल्ली ।  दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका  पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।

भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै

वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
सम्पादक

कृष्णचन्द्र लामिछाने

९८५५०२२४९७

बीरगंज १४, पर्सा

सम्पर्क

सीमाना मिडिया प्रा.लि.
बीरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2026 Simana Media Pvt. Ltd.

Design and Development by Cyberlink Pvt. Ltd.