वीरगंज । सशस्त्र प्रहरी बल पर्साले भारतबाट अवैध रूपमा भित्र्याइएका १० हजार ब्रोइलर कुखुराका चल्ला नियन्त्रणमा लिई नष्ट गरेको छ।
सशस्त्र प्रहरी बल नेपाल नं.१३ गण हेडक्वार्टर। पर्साबाट खटिएको टोलीले आइतवार पर्साको जगरनाथपुर गाउँपालिका–५, मसियानी क्षेत्रबाट उक्त चल्ला बरामद गरेको हो।
प्रहरीले भारतबाट चोरी पैठारी गरी नौ जनाले टाउकोमा बोकी नेपालतर्फ ल्याउँदै गरेको अवस्थामा करिब पाँच लाख रुपैयाँ बराबरका १० हजार वटा प्रतिबन्धित ब्रोइलर कुखुराका चल्ला नियन्त्रणमा लिएको जनाएको छ।
नियन्त्रणमा लिइएका चल्लाहरू आवश्यक कानुनी प्रक्रिया पूरा गरी नेपाल प्रहरी, स्थानीय जनप्रतिनिधि, सञ्चारकर्मी तथा क्वारेन्टाइन कार्यालयका प्रतिनिधिहरूको रोहबरमा सशस्त्र प्रहरी बल नं. १३ गण परिसरभित्र सुरक्षित रूपमा नष्ट गरिएको सशस्त्र प्रहरी बल नेपाल नं. १३ गण पर्साका सूचना अधिकारी सशस्त्र प्रहरी नायब उपरीक्षक विश्वराज योन्जनले जानकारी दिए
तपाईको प्रतिक्रिया