भारतमा श्रम शोषणमा परेका मधेसका ७ जनाको सकुशल उद्धार, आफन्तलाई लगाइयो जिम्मा
जनकपुरधाम । भारतको बिहार राज्यका विभिन्न स्थानबाट मधेस प्रदेशका ७ जना बालबालिका तथा एक महिलाको उद्धार गरिएको छ।
उद्धार गरिएकामध्ये ५ जना बालक, १ जना बालिका र १ जना महिला रहेका छन्। उनीहरूलाई आज जनकपुरधामस्थित मधेस प्रदेश प्रमुखको कार्यालयमा उपस्थित गराई आफन्तको जिम्मा लगाइएको छ ।
उद्धार गरिएकाहरूमा सप्तरीको डाक्नेश्वरी नगरपालिका–३ का १६ वर्षीय मो. अजिज मिया, सप्तरीकै शम्भुनाथ नगरपालिका–९ की १५ वर्षीया ज्योती कुमारी मुखिया, रौतहटको चन्द्रपुर–२ का १४ वर्षीय निमेष माझी, धनुषाको केल्पुर–१ का १४ वर्षीय विष्णु सदा र सोही स्थानका १० वर्षीय सुरज सदा, सप्तरीको मनराजा–५ का ११ वर्षीय बचन कुमार सदा, तथा बाराको कलैया उपमहानगरपालिका–१४ की ३३ वर्षीया संगीता कुमारी जयसवाल रहेका छन्।
उनीहरूलाई विभिन्न प्रलोभन देखाएर भारत पुर्याई भीख माग्न लगाउने, श्रम शोषण गर्ने तथा भगाएर अन्यत्र लैजाने अवस्थाबाट उद्धार गरिएको हो। दिल्लीस्थित ‘किन इन्डिया’ नामक संस्थाको अगुवाइमा भारतीय प्रहरी र नेपाली दूतावासको सहयोगमा उद्धार गरी नेपाल फर्काइएको र आफन्तको जिम्मा लगाइएको उक्त संस्थाका निर्देशक नवीन जोशीले जानकारी दिए ।
जोशीका अनुसार यसअघि पनि संस्थाले सयौँ जना बालबालिका तथा महिलाको उद्धार गरी अभिभावकको जिम्मा लगाइसकेको छ। उनले प्रलोभनमा परेर भारतका विभिन्न स्थानमा श्रम शोषण र मानव बेचबिखनमा परेका व्यक्तिहरूमध्ये सबैभन्दा बढी संख्या मधेस प्रदेशकै रहेको बताए ।
यस्ता घटनामा संलग्न व्यक्तिहरूलाई पहिचान गरी अभिभावक र प्रहरीसँगको समन्वयमा कानुनी कारबाही अघि बढाउने प्रयास भइरहेको पनि उनले उल्लेख गरे ।
अभिभावकलाई जिम्मा लगाउने क्रममा मधेस प्रदेश प्रहरी कार्यालयका प्रमुख डिआईजी गोविन्द थपलियाले कुनै पनि बालबालिका वा आफन्त हराएको जानकारी पाउनासाथ नजिकको प्रहरी चौकीमा तुरुन्त जानकारी गराउन आग्रह गरे।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
५८ जनाले गरे रक्तदान, राउन्ड टेबल नेपाल वीरगञ्ज र रोट्र्याक्ट क्लबलाई , रेडक्रस पर्साले दियो धन्यवाद
वीरगञ्ज । वीरगञ्जमा राउन्ड टेबल नेपाल वीरगञ्ज र रोट्र्याक्ट क्लब अफ वीरगञ्ज मेट्रोपोलिसको संयुक्त आयोजनामा वीरगंजमा ५८ जनाले रक्तदान गरेका छन्।
सडकका खाल्डाखुल्डी पुर्ने र अव्यवस्थित तार हटाउन मानगर तात्यो
वीरगञ्ज । सडक विस्तारका क्रममा वीरगञ्ज महानगरपालिकामभित्र देखिएका खाल्डाखुल्डी र अव्यवस्थित बिजुलीका तार व्यवस्थापनको काम तीव्र पारिएको छ।
खेलकुद
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
तपाईको प्रतिक्रिया