वीरगंज । पकाहा मैनपुर गाउँपालिकाको वडा नं ४ मा रहेको नेपाल राष्ट्रिय आधारभूत बिद्यालय श्यामपुर भेलाहमा नयाँ भवनको बिहिवार एक कार्यक्रमकावीच शिलान्यास गरिएको छ ।
राजनीतिकर्मी अकलेश साहको पहलमा मधेश प्रदेश सरकारको शिक्षा मन्त्रालयबाट विनियोजित १६ लाखको लागतमा निर्माण हुने भवनको शिलान्यास गरिएको हो ।
भवनको शिलान्यास पछि नेता साहले आफनो फेसबुक पेजमा स्टाटस लेख्दै शिक्षा नै समाज परिवर्तनको आधार हो भन्ने विश्वासका साथ विद्यालयको भौतिक पूर्वाधार सुदृढ गर्ने यो अभियानमा साथ दिनुहुने सम्पूर्ण महानुभावप्रति आभार व्यक्त गरेका छन ।
कार्यक्रममा वडा अध्यक्ष, प्राध्यापक, स्थानीय बुद्धिजीवी तथा समाजसेवीहरूको उल्लेखनीय उपस्थिति रहेको थियो।
उनले शिक्षा विकासतर्फ अर्को महत्वपूर्ण कदम भन्दै वाचा मात्र होइन काम गरेर देखाउने अभियान जारी रहेको बताएका छन ।
उनले आफूहरु भाषण होइन बिकासको परिणाममा बिश्वास गर्दै जनताको आवश्यकता पहिचान गर्दै शिक्षा, स्वास्थ्य, सडक र समग्र विकासका लागि आफनो प्रयास निरन्तर जारी रहने प्रतिवद्धता समेत जनाएका छन ।
उनले लेखेका छन “बिकासको योत्रा रोकिदैन झान तिब्र गतिमा अगाडि बढ्छ” ।
स्थानीयवासीहरूले अकलेश कुमार साहको पहलमा विद्यालय भवन निर्माण कार्य सुरु हुनु सराहनीय कदम भएको भन्दै धन्यवाद व्यक्त गरेका छन् ।
तपाईको प्रतिक्रिया