बिहान उदाउँदो सूर्यलाई अर्घ्य संगैै सम्पन्न भयो लोक आस्थाको पर्व छठ
वीरगन्ज । नेपालीहरूको महान् लोकआस्थाको पर्व छठ मंगलवार बिहान उदाउँदो सूर्यलाई अर्घ्य दिएपछि मधेश प्रदेशसहित देशभर भव्य रूपमा सम्पन्न भएको छ।
शनिबार ‘नहाय–खाय’ बाट सुरु भएको यो चारदिने पर्व व्रतालुहरूले आज बिहान नजिकैका छठघाट, नदी तथा पोखरीहरूमा पुगेर सूर्यदेव र छठी मातालाई अर्घ्य अर्पण गरेपछि विधिवत् रूपमा समापन भएको हो।
मधेश प्रदेशमा छठको रौनक
मधेश प्रदेशभर छठ पर्वको विशेष उत्साह र रौनक देखियो। वीरगन्ज ,जनकपुरधाम, लगायतका प्रमुख शहरका प्रसिद्ध छठघाटहरूमा व्रतालु र भक्तजनहरूको उल्लेख्य भीड देखिएको थियो।
जनकपुर र वीरगंजमा जनसागर
वीरगंजस्थित घडीअर्वा पोखरी, मुर्ली पोखरी,स्वीमीङपुल, रानीद्दघाट स्थित सिरसिया नदी, छपकैयामा सिरसिया नदी , नगवा पोखरी , जनकपुरका धार्मिक तथा ऐतिहासिक गंगासागर, धनुषसागर, दशरथ तलाउ लगायतका पोखरीहरूमा छठ पर्व मनाउनेहरूको विशाल घुइँचो लागेको थियो।
बेहुलीझैँ सिँगारिएका ती घाटहरूमा व्रतालुहरूले सोमबार साँझ अस्ताउँदो सूर्य र मंगलवार बिहान उदाउँदो सूर्यलाई विधिपूर्वक अर्घ्य अर्पण गरे।
घडीअर्वा छठ समितिका अनुसार यस वर्ष घडीअर्वा पोखरीमा लगायतका वीरगंजमा अन्यछठघाटमा हजारौँ व्रतालु सहभागी भएका थिए, जसले पूरै मध्यतराईलाई भक्तिमय र उज्यालो वातावरणमा रुपान्तरण गरेको थियो।
पर्सा जिल्लाको वीरगन्जस्थित घडिअर्वा पोखरी यस वर्ष पनि छठ पर्वको मुख्य आकर्षण बन्यो । स्थानीय बासिन्दाको सक्रियतामा पोखरीलाई झिलीमिली बत्ती, आकर्षक पण्डाल र रंगीन सजावटले सुन्दर रूपमा सिँगारिएको थियो।
व्यवस्थापन समितिका अनुसार घडिअर्वा पोखरीमा मात्रै हजारौँको संख्यामा व्रतालुहरूले अर्घ्य अर्पण गरेका थिए। नेपालका विभिन्न स्थानका साथै छिमेकी भारतबाट समेत भक्तजनहरूको उल्लेख्य आगमनले यहाँको छठ पर्वलाई राष्ट्रिय मात्र होइन, अन्तर्राष्ट्रिय पहिचान दिलाएको छ।
पर्वको समापन र धार्मिक भावना
व्रतालुहरूले हिजो साँझ अस्ताउँदो सूर्यलाई र आज बिहान उदाउँदो सूर्यलाई अर्घ्य दिएपछि छठ पर्वको कठोर व्रत विधि पूरा गरेका छन्। सन्तानको सुख–समृद्धि, परिवारको कल्याण, निरोगिता र मनोकामना पूर्तिको कामना गर्दै यो पर्व मनाइन्छ। व्रत सम्पन्न भएपछि व्रतालुहरूले पारण गरी प्रसाद वितरण गरेका छन्।\
छठ पर्वले तराई–मधेशको सांस्कृतिक एकता, शुद्धता र प्रकृतिप्रतिको आस्था झल्काउने परम्परालाई निरन्तरता दिएको छ। यस वर्ष पनि पर्व सफलतापूर्वक सम्पन्न भएसँगै सम्पूर्ण मधेशवासीहरूमा खुसीयाली र उत्सवमय माहोल छाएको छ।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सेस्मी इन्टरनेशनल स्कुलको एसईई परिक्षामा सहभागि सबै बिद्यार्थी सफल
वीरगञ्ज। सेस्मी इन्टरनेशनल स्कुलले यस वर्षको माध्यमिक शिक्षा परीक्षा (एसईई) मा शतप्रतिशत नतिजा हासिल गर्दै उत्कृष्ट शैक्षिक उपलब्धि प्राप्त गरेको छ।
सुशासन र पारदर्शीता नचाहने प्रमुख प्रशासकीय अधिकृत यादवलाई बिभागीय कारवाहीको सिफारिश सहित आयोगले डाम्यो
वीरगञ्ज । पारदर्शीताको पक्षमा नरहेका सुशासनको प्रत्याभूती गर्न नचाहने एक जना अधिकृतलाई राष्ट्रिय सूचना आयोगले डामेको छ । पर्साको जगन्नाथपुर गाउँपालिकाका प्रमुख प्रशासकीय अधिकृत सन्देशकुमार यादवलाई १६ हजार जरिवाना गरेर आयोगले डामेको हो ।
खेलकुद
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
तपाईको प्रतिक्रिया