बीरगंजका होेटेल ब्यवसायीको गुहार, होटेल चलाउने वतावरण बनाउ सरकार

6/25/2021 गते 00 00 मा प्रकाशित 652 पटक पढिएको

कोरोना कहरका कारण थलिएका बीरगंजका होटेल तथा पर्यटन ब्यवसायीहरुले होटेल संचालनको वतावरण बनाईदिन पर्साका प्रमुख जिल्ला अधिकारीसंग माँग गरेका छन ।

ब्यसायीले स्वास्थ्य मापदण्डको पालना गरेर होटेल संचालन गर्ने प्रतिवद्धता जनाउदै त्यसकोलागि आवश्यक वतावरण बनाईदिन प्रमुख जिल्ला अधिकारी संग माँग गरेका हुन ।

होटेल तथा पर्यटन ब्यवसायी बीरगंजका अध्यक्ष हरिपन्तको नेतृत्वमा गएको ब्यवसायीहरुको टोलीले होटेल तथा पर्यटन ब्यवसाय संचालनमा नल्याउदा करिश १२ सय कर्मचारीको रोजगारी गुम्ने र ब्यवसायी पलायन हुने सम्भावना बढेर गएको बताएको छ । बीरगंजमा साना ठुला गरि ७० वटा होटेल संचालनमा छन ।

कोरोना महामारीका कारण कारोवार छैन तर बैकको ऋण त्यसको ब्याज , होटेलको भाडा, कर्मचारीको तलव जस्ता कुराहरु तिर्न परिरहेको छ संघका अध्यक्ष पन्तले भन्नु भयो “अरु क्षेत्र संचालनमा आएका छन तिनले राहत महशुस गर्दै छन तर होटेल तथा पर्यटन ब्यवसायलाई किना संचालन छुट छैन यसले झनै ब्यवसायीलाई समस्यामा परेको छ” ।

कोरोना महामारीको पहिलो लहरमा ०६७ चैत ११ गतेदेखि पटक पटक लकडाउन, निषेधाज्ञामा होटल तथा पर्यटन व्यवसाय ठप्प रहे ।

अन्य क्षेत्र खुलीसक्दा पनि होटल तथा पार्टी प्यालेस लगायत पर्यटकीय क्षेत्रहरु भने असोज १ गतेदेखि मात्रै खुलेको थियो ।

त्यसपछि पनि सीमा नाका बन्द रहँदा होटल तथा पर्यटन व्यवसाय माथि उठ्न पाएन । दोस्रो लहरको कोरोना संक्रमण शुरु भएपछि वीरगञ्जमा पूनः बैशाख १६ गतेदेखि निषेधाज्ञा लगाईएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।