यस वर्षको स्व.बिन्दु पाण्डे पत्रकारिता पुरस्कार रेडियो पत्रकार कुंवरलाई

6/20/2021 गते 00 00 मा प्रकाशित 762 पटक पढिएको

यस वर्षको स्व. बिन्दु पाण्डे पत्रकारिता पुरस्कार रेडियोकर्मी अनिता कँुवरलाई प्रदान गरिने भएको छ । स्व.विन्दु पाण्डे स्मृति प्रतिष्ठान असार ४ मा प्रतिष्ठानका अध्यक्ष तुलसी भण्डारीको अध्यक्षतामा सम्पन्न बैठकले पत्रकार कुँवरलाई पुरस्कृत गर्ने निर्णय गरेको हो ।

प्रतिष्ठानले हरेक बर्ष पर्सेली महिला पत्रकारहरु मध्ये एक जनालाई पुरस्कृत गर्दै आएको छ । प्रतिष्ठानले रेडियो वीरगन्जमा लामो समय देखि कार्यरत कुँवरलाई यो वर्षको पुरस्कार प्रदान गर्ने निर्णय गरेको हो ।

पत्रकार सरोज खड्काको संयोजकत्वमा ५ निर्माण गरिएको छनौट समितिले पत्रकार कुँवरलाई छानेको हो । पर्सामा क्रियाशिल पत्रकार महिलाहरुको वीचबाट कुंवरलाई छनौट गरिएको समितिका संयोजक खडकाले जानकारी दिनु भयो ।

स्व. पाण्डेको स्मृतिमा ६ वर्ष अगाडि स्थापना भएको प्रतिष्ठानले प्रत्येक बर्ष असार ५ गते उहाँको पुण्य तिथिमा पुरस्कार वितरण गर्दै आएको छ ।

कोरोना महामारीको कारण सभा, गोष्ठी र सेमिनारहरु नगर्ने स्थानीय प्रशासनको निषेधाज्ञाले पुरस्कार वितरण
मिति यस वर्ष केही दिन धकेलिएको छ । निषेधाज्ञापछि कार्यक्रम गरी पुरस्कार प्रदान गर्ने प्रतिष्ठानका अध्यक्ष भण्डारीले जानकारी दिनुभयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।