काउन्सिलद्वारा पत्रकारको समस्या बारे अध्ययन , प्रतिवेदन छिटै काउन्सिलाई बुझाइने

6/19/2021 गते 00 00 मा प्रकाशित 721 पटक पढिएको

प्रेस काउन्सिल नेपालले कोभिड १९ को कारण पत्रकारहरुले भोग्नु परेको समस्याको बिषयमा अध्ययन अनुसन्धान शुरु गरेको छ ।

अध्ययनकालागि प्रेस काउन्सिलले बनाएको टोलीले शनिवार मध्य तराईका पत्रकारहरुसंग छलफल गरेको छ । टोलीमा पत्रकार बिश्वमणी सुवेदी नरेन्द्र साउद र प्रेस काउन्सिलका महेन्द्र सिंह रहनु भएको छ ।

बीरगंजमा पत्रकारहरुले अहिलेको अवस्थामा भोग्नु परेको समस्याका बारेमा टोली समक्ष आफनो अवधारणा प्रस्तुत गरेका थिए । साना लगानीका संचार माध्यमलाई कम ब्याजदरमा लोन दिने ब्यवस्था मिलाउनकालागि काउन्सिललाई सहजीकरण गर्न उनीहरुले आग्रह गरेका थिए ।

अहिलेको समयमा कोरोनाका कारण पत्र पत्रिकाको प्रकाशन र बितरण प्रभावित भएको बेलामा सबै पत्रिकालाई बर्गिकरणमा समावेश गर्नपर्नु राय समेत ब्यक्त गरिएको थियो ।

प्रेस काउन्सिल नेपालका सदस्य लालबाबु शेखको अध्यक्षतामा भएको अन्तरक्रियामा नेपाल पत्रकार महासंघका केन्द्रीय सचिव दीपेन्द्र चौहान, केन्द्रीय सदस्य के.सी.लामिछाने प्रदेशका महासचिव श्याम बन्जार पर्साका उपाध्यक्ष युवराज खडका केन्द्रीय परिषद सदस्य महेशचन्द्र गौतम बिजय कुशवाहा लगायतका पत्रकारहरुको सहभागिता रहेको थियो । टोलीले यस अघि बारा , रौतहट र सर्लाहीका पत्रकारहरुसंग पनि छलफल गरेको थियो ।

टोलीले पत्रकारहरुको समस्याको बारेमा गरिएको अध्ययन र निषर्कष छिटै काउन्सिललाई हस्तान्तरण गरिने टोली सदस्य नरेन्द्र साउदले बताउनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।