बीरगंजमा रक्तदान १२ महिला सहित १ सय ३३ जनाले गरे रक्तदान

6/12/2021 गते 00 00 मा प्रकाशित 699 पटक पढिएको

राष्ट्रिय युवा संघ नेपाल र बीरगंज युवा समाजद्वारा फरक फरक स्थानमा आयोजित रक्तदान कार्यक्रममा १ सय ३३ जनाले रक्तदान गरेका छन ।

रक्तदातामा १२ जना महिलाले रक्तदान गरेका छन । दुबै संस्थाले रक्त संचार केन्द्रमा रगतको अभाव भएका कारण आकस्मिक रक्तदान कार्यक्रम सम्पन्न गरेका हुन ।

युवा संघले आयोजना गरेको कार्यक्रममा संबिधान सभा सदस्य एवम् नेकपा एमालेका नेता राजकुमार गुप्ताको सहभागिता रहेको थियो । रक्तदान कार्यक्रममा १ महिला सहित ८१ जनाले रक्तदान गरेका छन् ।

कार्यक्रममा अनुष्का शर्मा,राकेश साह,आनन्द पटेल,देवकुमार सर्राफ, रामप्रकाश सर्राफ,राजकुमार साह,दिनेश मिश्रा कुर्बान शेख, बिराज यादव, नरेश यादव लगायतकाले रक्तदान गरेका हुन् ।

संघका पर्सा अध्यक्ष एवम् सचिवालय सदस्य महम्द निजामुदिनको अध्यक्षतामा सम्पन्न कार्यक्रममा नेपाल पत्रकार महासंघ प्रदेश २ का महासचिव श्याम बन्जारा, नेकपा एमालेका युवा नेता तेजप्रकाश निषाद, सुन्दर कुर्मी, संजिव मिश्रा, श्याम गुप्ता, संघका केन्द्रिय सदस्य रबि गुप्ता, चन्दन गुप्ता, नेपाल खेलकुद महासंघका केन्द्रिय सदस्य अकलेश साह, शिवशंकर यादव, युवा नेता संतोष पासवान, अनिल हजरा लगायतको उपस्थिति रहेको थियो ।

त्यस्तै बीरगंज युवा समुहले आयोजना गरेको रक्तदान कार्यक्रममा ११ महिला सहित ५२ जना ले रक्तदान गरेको समाजका अध्यक्ष कमल चौगाईले जानकारी दिनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।