नारायणी अस्पताललाई अग्नी ग्रुपद्वारा पन्ध्र लाख बराबरको उपकरण हस्तान्तरण

6/10/2021 गते 00 00 मा प्रकाशित 654 पटक पढिएको

नेपालको व्यापारिक समूह अग्नी ग्रुपले नारायणी अस्पताललाई उपकरण सहयोग गरेको छ ।

काभिड–१९ महामारीको दोश्रो भेरियण्टमा वीरगन्ज पनि उच्च जोखिममा निरन्तर संक्रमितहरुको उपचार सेवा दिएको नारायणी अस्पताललाई बिहीबार अग्नी ग्रुपले आवश्यक उपकरणहरु सहयोग गरेको हो ।

ग्रुपका अध्यक्ष क्याविनेट श्रेष्ठले ३ सय केभीएको स्टेपलाईजर एकथान, २० केभिएको युपिएस एकथान र ३२६ एम्पियरको व्याट्री १६ थान वीरगन्जमहानगरपालिकाकानगर प्रमुख विजयकुमार सरावगीको रोहरबरमा अस्पतालका मेडिकल सुपरिटेण्डेण्ट डाक्टर विरेन्द्र प्रधानलाई हस्तान्तरण गरिएको अग्नी ग्रुपका वीरगन्ज शाखा प्रमुख प्रमोद क्षेत्रीले जानकारी दिनुभयो ।

सबै सामान गरी कूल १५ लाखमूल्य बराबरको रहेको उपकरणहरु उपलब्ध गराएको उहाँले बताउनुभयो । हस्तान्तरण गरिएको उपकरणहरु कोभिड अस्पतालले संचालन गरेको आईशोलेसन वार्डकालागि उपयोगी हुने क्षेत्रीले बताउनुभयो ।

वीरगन्जमहानगरपालिकाका प्रमुख विजयकुमार सरावगीले अस्पतालमा नियमित विद्युत आपूर्तिको लागि व्यावस्था गर्ने आश्वासनदिनु भएको थियो । उहाँले दिएको आश्वासनमा अग्नी ग्रुपले साथ दिएको छ ।

महानगरपालिकाले कोरोना संक्रमण नियन्त्रण र रोकथामकालागि चालेको हरेक कदममा सबै क्षेत्रबाट सहयोग जुट्ने गरेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।