अस्पतालले भर्ना नलिदा बीरगंजमा एम्बुलेन्समै एक युवतीको मृत्यु

5/25/2021 गते 00 00 मा प्रकाशित 667 पटक पढिएको

उपचार अभावमा रौतहटको गुजरा नगरपालिका कनकपुर वडा नम्बर ४ बस्ने १७ बर्षिया समिना कुमारी वि.कको सोमवार राती मृत्यु भएको छ ।
मृगौलाको समस्याबाट पीडित बि.क.लाई डायलासिस गाराउनु पर्ने थियो तर बीरगंजमा अस्पताललहरुले भर्ना नलिएपछि उनको एम्बुलेन्समै मृत्यु भएको हो । नारायणी अस्पतालमा मृगौला रोगीकालागि ७ वटा डायलासिस मेशीन रहेको छ । त्यस मध्य कोभिड बिरामीकालागि दुई वटा र अन्यकालागि ५ वटा मेशिन छुट्टयाइएको छ ।

तर कोभिडका लागि छुट्टयाएको मेशीन बिग्रिएको मेडिकल सुपरिटेण्डेण्ट डा.बीरेन्द्र प्रधानले बताउनु भयो । अस्पतालले डायलासिस गर्नु पर्ने बि.क.को भर्ना नलिएकै कारण उनको ज्यान गएको बुबा चित्र बहादुर बिश्वकर्माले आरोप लगाउनु भयो ।

बीरगंजका ४ वटा अस्पताल चाहर्दै राती ९ नौ बजे नेशनल मेडिकल कलेजमा पुर्यार भर्ना गर्न खोज्दा उनको मृत्यु भइसकेको चिकत्सकले घोषणा गरेका थिए ।

मृगौलाको समस्याबाट पीडित किशोरीलाई शुरुमा गण्डक स्थित वीरगन्ज हेल्थ केयर अस्पतालमा भर्ना गर्न लगिएको थियो । त्यहाँ आधा घण्टा राखेर भर्ना नलिएपछि उहाँलाई वीरगन्जको बसपार्क नजिकैको भवानी हस्पिटलमा लगियो ।

भवानीले पनि भर्ना नलिएपछि नारायणी अस्पतालमा लगिए थियो । नारायणी सरकारी अस्पताल हो त्याहा पनि भर्ना लिन नमानेपछि किशोरीलाई नेशनल मेडिकल कलेजमा लगिएको थियो ।

मेडिकल कलेजमा पुर्‍याएपनि त्यहाँका चिकित्सकले बाटोमा एम्बुलेन्स मै मृत्यु भईसकेको बताएको कोभिड एक्सन टिम क्याटका सदस्य एवं पत्रकार अमित अग्रवालले बताउनुभयो ।

नारायणी अस्पतालका निमित्त मेडिकल सुपरीटेण्डेन डा. बीरेन्द्र प्रधानले भने नारायणी अस्पतालबाट ती किशोरीलाई फिर्ता नगरिएको बरु अस्पतालमा भर्ना लिएर उपचार गर्ने तयारी हुदैगर्दा एम्बुलेन्सबाट नै उनलाई ननिकाली अन्य अस्पतालमा लगिएकोको बताउनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।