कोरोना संक्रमतिको उपचार र व्यवस्थापनमा सक्रिय रुपले खटेका डा.सरोज रोशन दासको जिम्मेवारी खोसिएको छ । कोभिड संयोजकको सहायकको रुपमा काम गर्न नमानेपछि उनी अहिले कोरोना फोकल पर्सन बनेका छन् ।

यसअघि उनी कोभिड कोअर्डिनेरकै रुपमा सूचनाहरु दिइरहेका थिए । उनको जिम्मेवारी डा.उदय नारायण सिंहले पाएका छन् । यसैगरि कोभिड संयोजक डा.एनामुल हकलाई पनि जिम्मेवारीमुक्त गरिएको छ ।

डा.सिंहलाई नै अस्पताल प्रशासनले कोभिड संयोजक समेत नियुक्त गरेको छ । डा.उदय नारायण सिंह ८ औ“ तहका हुन् भने डा. दास ९ औ र डा.हक १० औ तहका चिकित्सक हुन् ।  

    राम्रै काम गरिरहेका एउटा सिनियर डाक्टरलाई एक्काशी हटाएर एउटा जुनियर डाक्टरलाई जिम्मेवारी दिएपछि नारायणी अस्पतालमा काम गर्ने वातावरण न रहेको चिकित्सक तथा स्वास्थ्यकर्मीले गुनासो गरेका छन् । गत हप्ता डा.बिरेन्द्र प्रधान अस्पतालका निमिक्त मेडिकल सुपरिटेन्डेन्ट नियुक्त भएका थिए ।

१० औ तहका प्रधान निमिक्त भएको ४ दिनभित्रै आफू निकट रहेका डा.सिंहलाई संयोजक नियुक्त गरेका हुन् । मंगलबार काठमाडौ गएका डा.प्रधानले ८ औ तहका डा.सिंहलाई निमिक्त मेसुको जिम्मेवारी समेत सुम्पेका छन् ।

‘डा.दासले गर्दै अँएको काम प्रति आजसम्म कसैले गुनासो गरेका छैनन्,’ एक स्वास्थ्यकर्मी भन्छन्, ‘दिनरात नभनि जिम्मेवारी पुरा गरेकै थिए, अस्पतालमा त्यति धेरै सिनियर डाक्टर छन्, तर, गुटबाजीका कारण एउट जुनियरलाई संयोजक र निमिक्तको जिम्मेवारी दिइएको छ ।’ 

    नारायणी अस्पतालमा ९ औ, १० औ र ११ औ तह सम्मका चिकित्सकहरु कार्यरत छन् । ती सबै सिनियर चिकित्सकलाई परिचालन गर्न ८ औ“ तहको जुनियर चिकित्सकलाई नियुक्त गरेपछि अस्पतालमा गुटबाजी हावी रहेको पुष्टि भएको छ ।

‘अहिले महामारीको समयमा उच्च मनोबलका साथ काम गर्ने बेला छ,’ अस्पताल विकास समितिका एक पदाधिकारी भन्छन्, ‘तर, अहिले जसरी सिनियरहरुलाई पाखा लगाएर जुनियरलाई जिम्मेवारी दिइएको छ, त्यसले डाक्टरहरुको काम गर्ने क्ष्ँमतामा ह्रास पु¥याउ“छ ।’ अस्पताल स्रोतका अनुसार डा.सिंह पटक–पटक झै झगडामा संलग्न हुदै आएका छन् ।

गत पुस महिनामा अस्पतालको चिकित्सक बैठक कोठामा एकजना युरोलोजिस्टको नियुक्तको विषयमा डा.सिंहले डा.एनामुल हकसंग हात हालाहाल गरेका थिए । ‘आफ्नो डाक्टर साथीको भाईको नियुक्तीको विषयमा डा.सिंहले निहु खोजेपछि हाता हाला भएको थियो,’ नाम उल्लेख नगर्ने शर्तमा एक चिकित्सक भन्छन्, ‘हामीले हस्तक्ष्ँप गरेर स्थितीलाई सामान्य पारेका थियौ“ ।’ त्यसअघि टाउन हलमा पनि डा.सिंहकै संलग्नतामा डाक्टरहरुको समूहबीच कुटाकुट भएको थियो । त्यसबेला वडा प्रहरी कार्यालय विर्ताको टोली पुगेर स्थितीलाई सामान्य बनाएको थियो ।