निशुल्क भोजन गराउदै आएका संस्थलाई बीरगंज महानगरले दियो खाद्य समाग्री

5/15/2021 गते 00 00 मा प्रकाशित 612 पटक पढिएको

वीरगन्ज महानगरपालिकाले निषेधाज्ञाका कारण समस्यामा परेका विपन्न गरिब परिवारलाई निःशुल्क भोजन गराउदै आएका संघ संस्थाहरुलाई खाद्यान्न उपलब्ध गराएको छ ।

महानगरपालिकामा निःशुल्क भोजन गराउदै आएका चारवटा संस्थालाई खाद्यान्न उपलब्ध गराएको महानगर प्रमुख बिजय कुमार सरावगीले बताउनु भयो । सानो पाईलालाई २८ बोरा चामल, ३५ किलो दाल र २८ लिटर खानेतेल, इम्प्रुभिङ वीरगन्जलाई ७ बोरा (१७५) किलो चामल, ३५ किलो दाल र ५० लिटर तेल हस्तान्तरण गर्नुभयो । त्यस्तै १०० (हन्ड्रेड) ग्रुप नेपाललाई १२५ किलो चामल, २५ किलो दाल र २१ लिटर खानेतेल तथा होटल रेल्वे कटेजलाई ३० बोरा (७५० किलो) चामल, २ बोरा दाल र ६० लिटर खानेतेल उपलब्ध गराएको प्रमुख सरावगीले जानकारी दिनु भयो ।

महानगर प्रमुख विजय कुमार सरावगीले शुक्रबार महानगरपालिकामा निःशुल्क भोजन गराउन चाहने संघ संस्थाहरुलाई खाद्यान्न व्यावस्था गराउने घोषणा गर्नु भएको थियो ।

त्यही घोषणा अनुसार शनिबार उहाँले खाद्यान्न हस्तान्तरण गर्नु भएको हो । वीरगन्ज महानगरपालिकामा निषेधाज्ञा लागू भएपछि बिहान बेलुका ज्यालादारी गरेर छाकटार्ने गरिब विपन्नहरुलाई छाक टार्न समस्या हुन नदिन साहिब दरबार सेवा संस्था, रेल्वे कटेज लगायतले १० दिनदेखि निरन्तर निःशुल्क भोजन गराउदै आएका छन् । महानगरले त्यही अभियानमा आफूलाई सहभागी गराएर गरिब बिपन्नको छाक टार्ने ब्यवस्थापनमा लागेको हो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।